چريمة عشق لمريم نصار الجزء الأول و الثاني

تكمل. احم وقالت بتوتر. وانت يافهد. هتتعشى وكملت بهزار. علشان تدراى توترها.. ومتقولش لأ. علشان عمو طارق هياخد اكل ل خالتو رنا وبس. كلهم ابتسمو.
فهد حب يفك شويه. ويعيش بحريه. طبعا موافق. وقالها بحب. انا اصلا جعان يارينو. وقلبهم الاتنين دق.
رينو حست انها سقعانه. وبصت احم. وانت يامالك. ولو قولت لأيبقى ساره مش هنعشيها انهردا.
مالك. ابتسم. لا انا هاخد ساره وهنتعشى بره انهردا. وده بعد اذنك طبعا ياخالو.
آدم والله يامالك هو المفروض. أرفض لان كدا اوفر اوى بصراحه.
مالك ليه بس ياخالو. منا قولت اتجوزها وانت الل مش موافق.
آدم بتمثيل.. بص ل طارق. بزمتك هو طلب ساره للجواز وانا رفضت !
طارق طبعا انا زمتى استك. ويازين مااخترت انك تحلفنى. بس لا مالك مطلبش ايد ساره للجواز لحد دلوقتي ومش عارف هو مستنى ايه !
مالك وساره بدهشه ملقوش رد.
آدم انا مش موافق أن ساره تخرج معاك. غير لما يكون فى ارتباط رسمى.
مالك بفرحه. طيب يخالو. منا قولت اتجوزها.
آدم بص ل طارق. هو الواد ده حمار ليه.
طارق معلش نستحمله. انا هفهمه. وبص ل مالك. انت يبنى. إلل عايز يتجوز ده. مش بيتقدم لعروسته. ويطلبها للجواز. وياخد الموافقة وبعد يحددو ميعاد الخطوبه والفرح.
مالك بعدم فهم. ايوه انا مطلوب مني. ايه !
آدم ضړب كف على كف. لله الامر من قبل ومن بعد. وبنفاذ صبر. مالك يبنى. هي ساره دلوقتي مسؤله من مين !
مالك حضرتك ياخالو قولت انها مسؤله منك.
آدم تمام حلو اوى. يعنى انا فى مقام والد ساره. وهي مسؤليتى. يبقى انت عايز تتجوزها تعمل ايه !
مالك بغباء. اتجوزها. هعمل ايه يعنى !
فهد ضحك ومريم كل الموجودين وساره.
طارق ولا انت غبى ليه. عايز تتجوز ساره. يبقى تطلب ايديها من آدم فهمت يخربيت ام فصلانك ياشيخ.
مالك استوعب. ايوووه. ايوه. فهمت تمام. طيب ياخالو. انا بطلب ايد ساره للجواز من حضرتك.
آدم وحياة امك. سلق بيض هو. وحط رجل على رجل. إن شاء الله تشرفنا انت وعيلتك. بكره. وتيجو تتقدمو لبنتا ساره وهنفكر وهنبقى نرد عليكو.
مالك بفرحه بجد ياخالو. بس انا عايز جواز على طول.
ساره صعبت عليها نفسها. وممنونه ل آدم ومريم كتير. وكمان بيعتبروها بنتها. وعيطت. والكل حاول يهديها.
آدم كفايه بقى ياساره. انسى وعيشي حياتك. والله يابنتى ربنا ديما ليه حكمه في كل حاجه بتحصل حوالينا. رب الخير لا يأتي إلا بالخير.
مريم ساره ياحبيبتى رب العالمين قال.
بسم الله الرحمن الرحيم
قل لا أملك لنفسي نفعا ولا ضرا إلا ما شاء الله ۚ ولو كنت أعلم الغيب لاستكثرت من الخير وما مسني السوء ۚ إن أنا إلا نذير وبشير لقوم يؤمنون
صدق الله العظيم
وفكرى. تانى إن ربنا قالك. يلا ياساره آن الأوان. علشان ترجعى لمالك. واداكى دفعه قويه. وييسرلك الآمر وقدرتى تهربى. وربنا عمى عينيهم عنك. واهو دلوقتى الحمد لله اتعالجتى. وظهرت برأتك. وربنا كافئك. ورجعتى لينا بالسلامه. ويمكن سبب وجودك فى الحياه وانك تختلفى عن عاصم وسوزى وابتسام. جدك صلاح الله يرحمه. وديما اسمع عنه كل خير. واكيد من حقه أن يكون عنده ذريه طيبه بالجمال ده. فكرى بايجابيه ياحبيبتى. وادعيلهم بالرحمه. ربك ليه حكمه في حاجه بتحصل.. رب ضارة نافعه واتكلمت معاها شويه.
مريم بتتكلم. وآدم عيونه عليها وعايز يخطفها جوه قلبه. وابتسم واتنهد بسعاده. من الل عشقها ليه بيزيد يوم عن يوم..
ساره حمدت ربنا فى قلبها. وشكرت مريم. لانها حست براحه بعد كلامها. ودمعه تانى نزلت منها 
رينو اووووف عليكى ياساره. ياشيخه افرحى بقى ام النكد ده. بت انتى عارفه لو مضحكتيش دلوقتي. انا مش هوافق على الجوازه دى. انتى جوعتينى اكتر انا هروح اقول لزوزو تجهز العشا دوبل وكلهم ضحكوا وخصوصا فهد.. وساره ابتسمت وفرحت.
مراد نزل وشايل مريم نونو. وفريحه نازله جمبه.
وزياد استأذن علشان مليكه منتظراه ومشي. والعشا جهز. والكل اتعشى. وكان وقت جميل. وكان فهد ورينو بيسرقو النظرات. وفهد كان مبسوط قوي لما شاف أن رينو لبست الساعه. واتنهد بسعاده. وبعد العشا. طارق استأذن وآدم اتمشى معاه لحد بوابة الفيلا.
طارق قولى يا آدم. مش كنا قدمنا الادله. ضد توفيق. والالماس. وكانت ساره هيبقىى ليها نسبه ١٠٪ في الالماس ده. واهي تبدء حياتها من جديد. لسه هتستنى سنه ونص.
آدم لا يصحبى ولا سنه ونص ولا حاجه. انت شايف مالك مدايق قد ايه. وده قراره أنهم يتعذبو زى ما ساره اتعذبت بالطريقه نفسها.. وانا لما لقيته مصمم وافقته بس قولت. هنسيبهم في المخزن فتره. لحد ما

ساره ومالك يتجوزو. وبعدها هتكون أعصابه هديت شويه. وساعتها نحولهم على النيابه. ونقدم الادله. وساره تقدم الالماس. وتاخد نسبتها. وتعملها مشروع. البنت دى عندها قدرة تحمل. وانا واثق انها هتثبت نفسها
طارق إن شاء الله. وانت بكره ناوى على خطوبه. ولا لسه هتفكر زى مابتقول.
آدم بصله بزهول. افكر. انا مش عارف. دماغك دى هتشتغل امتى. انت تجيب معاك بكره المأذون وانت جاى خلينا نكتب كتابهم على طول. انت شايف مالك جمبها عامل ازاى خلينا نخلص. وفرحهم الشهر الجاي.
طارق بدهشه. اله. طيب ما انت مجهز كل حاجه فى دماغك. اومال ليه قولت ل مالك يجي بكره مع عيلته.
آدم علشان خاطر ساره. ولازم تحس انها ليها أهل وعزوه. انت عارف ان اكيد ساره دلوقتي بتفكر ازاى. وانها وحيده. وامها وأبوها. والأحداث الل مرت. وكمان شايفه اننا بنشفق عليها. لكن مع الايام هتفهم. إن جو العيله مفيش اهم منه. العيله دي السند بجد.
طارق هز راسه. تمام ربنا يتمم بخير. وبكره انا هجيب المأذون. بس شوف الميعاد وكلمنى ماشى.
آدم ماشى ياطروق. وطارق سلم عليه ومشى.
.فهد قعد مع ومراد ومالك وزين بعد العشا. وبعد شويه الكل استاذن. وكل واحد طلع اوضته ونام.
بقلمى Mariem Nasar
تاني يوم الصبح.
.نرمين بتفتح عينيها. وبتحاول تفوق.
حمدلله على السلامه يادكتور نرمين.
نرمين نايمه على سرير. ولفت راسها تشوف مين وهي فين. واتفاجات. دكتور مروان.
د مروان ايوه. مروان. حمدلله على سلامتك. كدا تخضينا عليكى.
نرمين حاولت تتعدل. وقعدت. انا فين. وايه الل حصل..
دمروان لا ابدا. انتى حاولتى تنتحرى مش اكتر.
نرمين بصتله بصدممه. ومتكلمتش. وحاولت تفتكر. وسرحت كتير.
د مروان انا كنت عندى مرور امبارح الساعه ٦ وانا ماشى بالصدفه. جت ممرضه وقالتلى الحق يادكتور. الدكتور نرمين قافله على نفسها المكتب وبتصرخ. ومبتفتحش لاى حد.
جريت بسرعه. وفعلا سمعت صوتك. وخبطت كتير لكن انتى رافضه تفتحي تماما. وبعد كدا انتى وقفتى صړيخ. وانا قلقت عليكى. احم قصدى قلقنا كلنا. اضطريت اكسر الباب. ولما دخلت. كان مغمى عليكي. وبعدها شوفت علبة فيتامين. وكلها فاضيه. وشيلتك بسرعه. وروحت بيكى على دكتور علاء. وعملك غسيل معده. والحمد لله الدكتور طمنى عليكى. لكن. بعدها جالك حالة هستيريا وهياج. وټصرخي وتقولى كلام مش مفهوم. اضطريت اديكى إبرة منوم. ووالدتك اتصلت عليكى. وانا قولت للمرضه ترد عليها وقالتلها انك نايمه شويه علشان عندك نبطشيه.
نرمين بتسمع ودموعها نازله. وافتكرت هشام. وانه ضحك عليها وهتتفضح. وكمان كانت ھتموت كافره وهي مكنتش فى وعيها. وعيطت بكسره. وصوتها على. وحطت ايديها على وشها وعيطت بۏجع وحرقه. وطلعت منها صرخه. وجعت قلب مروان عليها.
دمروان مش عارف يعمل ايه. لان عياطها يانيهار. وشكلها مفتقده لحد عزيز عليها. دكتور نرمين. لو سمحتى ممكن تهدي. انا شايف انك تاخدى اجازه يومين كدا تهدى فيهم اعصابك. وقام وقف. احم انا شايف انك تعبانه. ومش هتقدرى تروحي لوحدك لو تحبى اوصلك بالعربيه لحد بيت حضرتك. وهسيب لحضرتك رقمي لو احتاجتى حاجه ياريت متتردديش وكلمينى..
نرمين بصتله پغضب وغيظ. وافتكرت هشام لما وصلها بالعربيه. وكمان اخد رقمها. وقالها لو احتاجتى حاجه كلمينى.. وقامت وقفت قدامه. وعلت صوتها. توصلنى بعربيتك. ها ليه ! وتدينى رقمك ليه. وبعدها تكلمنى واتساب صح. وبحبك يانرمين مش كدا. وزقته من صدره. لكن شتان. ومش شايفه قدامها غير هشام. وبس.
مروان واقف ثابت. كدا فهم ان نرمين بتمر بتجربه حب فاشله. وبحكم مهنته سابها تفرغ كل طاقتها المكبوته..
نرمين رد عليا. بعشقك يانرمين. انا مش هسيبك يانرمين. ها !! وتعالى انزلى تعالى هنقعد في الشقه. لالا انتى مش واثقه فيا. وتقولى اطلعى تعالى. يوم يومين. وتثبت فيها انك راجل بجد. وزقته تانى من صدره. وتوعدنى بالجواز صح. تقولى انتى مراااتى ويتاعتى. توعدني بوعود مزيفه. وتكون صادق وانت بتكدب. وصړخت وبعدها ايييهه بعدها ايه. تقولى هحارب علشانك. امضى علشان نحارب العالم مع بعض. هااا رود عليااا.. وتقرب منى. وضحكت وانا اصدقك وأمضى. ومسكت مروان من البالطو. وتقرب منى. وتضيعنى صح. وتاخد منى الل انت عيزو صح. ماتررررود عليااا. قول عملت كدا لييييه. بتعاقبنى على ايييه. بتعاقبنى علشان حبيتك. بتدمر سمعتى علشان شوفتك راجل. بتصورنى وانا فى حضنك ! بتفضحنى.
مروان سمعها للاخر. لكن مستحملش وضربها بالقلم بكل قوته. وهي اغمى عليها بين ايديه. وشالها ونيمها في السرير. وكدا فهم نص القصه. وعطاها ابره. وخرج ڠضبان.
. محمد ونور. وتيم بيفطرو وتمارا نايمه.
نور حبيبي.
محمد بياكل امم ياروحي.
نور احنا هنروح عند بابى انهردا زي ما انت قولتلى..
محمد عنده علم أن مالك هيكتب الكتاب. لكن آدم قال مش عايز البنات تعرف خليها مفاجأة ل ساره.
محمد رد عليها. امم طبعا.. انهردا مالك هيخطب. ساره. هنروح الساعه ٦ ونرجع تانى.
نور تمام.. بس انت قولتلى امبارح أن فى خبر حلو. ونسيت تقولى. ياترى ايه الخبر الحلو ده !
محمد غمزلها. وانتى ادتيلى فرصه. انا يدوبك دخلت من باب الشقه. لقيتك اترميتى في حضڼي.
نور وشها بقى احمر. واتكسفت.
محمد هههههههه. قمر. بحبيتين الفراوله دول. عسل يانورى. لما وشك بيبقى احمر صدقينى. بعشقك اكتر واكتر.
نور نزلت وشها فى الارض. ومردتش.
محمد ساب الاكل. لا بقى كدا كتير على قلبى.
نور احم. برقه. ما انت بتحرجنى يامحمد.
محمد ااه ياقلبك يامحمد.
نور سلامت قلبك ياحبيبي.
محمد مسك ايدها وباسها. انتى الل حبيبتى وروحي وقلبى وكل حاجه فى حياتى يانورى.
نور بكسوف. مش هتقولى الخبر الحلو بقى
محمد رجع ياكل. طبعا انتى تؤمرى. ياستى في عريس بيحب نرمين جدااا وكلمنى علشان اكلمها. واخد رائيها علشان يتقدملها رسمي.
نور بفرحه. الله. قولى مين بسرعه.
محمددكتور مروان.
بسم الله نبدأ
مراد نايم. وفريحه بتصحيه.
فريحه. مراااد. مراااد
مراد 
فريحه مرااااد قوووم بقى.
مراد اتعدل على ضهره. بس يافريحه سبينى انام شويه.
فريحه يوووه بقى قوووم انا جعانه اوووى يامراد.
مراد نفخ. اوف. فريحه انا نايم ٥ الصبح.. الساعه كام يابنتى الله ېحرق كدا على الصبح.
فريحه الساعه ٤ قوم بقى يابيبى.
مراد اتعدل. ونايم على نفسه. واتنهد. وشد فريحه. راسها على رجله. وهي ضحكت.
فريحه قوم