فاذا هوي القلب منال سالم

فورا!
هو يفهم جيدا طبيعة عائلة شادية والتي لا تحبذ اللجوء إليهم إلا في الشدائد لعڼف طبائعم الشرسة 
ابتلع ريقه قائلا بتوجس
ماشي ماشي اهدي بس و 
قاطعته قائلة بحزم
ده أخر ما عندي يا حاج مهدي سلام!
ثم أولته ظهرها دون أن تضيف المزيد 
علقت أنظاره بسرابها الذي تلاشى سريعا وحاول أن يعي الموقف ويفكر بصورة عقلانية متريثة فيه لكنه إلى الآن لم يكن ملما بكافة التفاصيل لذا عليه استدعاء ابنه المشاغب ليعرف منه كيف ارتكب أمرا كهذا دون استشارته 
فلو علم مسبقا بنيته في الزواج من طليقة دياب لكان منعه على الفور لكن تأتي الرياح بما لا تشتهي السفن 
أخرج هاتفه المحمول من جيب جلبابه ليهاتف ابنه وانتظر بفارغ الصبر رده عليه 
وما إن سمع صوته حتى صاح به بغلظة مهينا إياه
إنت يا زفت يا !!!
صدم مازن من سباب والده له وسأله منزعجا
في ايه يا حاج
رد عليه بحدة
اتنيل تعالى عندي تشوف الکاړثة اللي عملتها!
بدا كلامه غامضا للغاية فسألها بعدم فهم
کاړثة ايه دي
أجابه أبيه بصوت شرس
يعني مش عارف إنت مهبب إيه ولابخ الدنيا وموقعني مع ولية شړ!!!
سأله مازن مستفسرا
قصدك ايه
صاح به مهدي بصوت هادر
انجز وتعالى دلوقتي!
رد عليه مازن بامتعاض
ماشي بس هاخلص مصلحة في ايدي و 
قاطعه الحاج مهدي بصرامة
انت تسيب أي هباب وتجيلي على طول سامع!
زفر مازن مرددا باستسلام
طيب!
أغلق مهدي الخط في وجهه وغمغم بصوت محتقن متأفف وهو يجلس على مقعده
يعني ضاقت بيك الدنيا وملاقتش إلا البت دي وتتجوزها! خلاص الحريم خلصوا!!!
نفخ بصوت مرتفع مرددا بضجر
استغفر الله العظيم! استرها يا رب على عبيدك!!!!
يتبع التالي
الفصل الثاني عشر الجزء الثاني 
وافقت بسمة على مضض بقبول ذلك العرض السخي وإعطاء حفيد وابنة عائلة حرب درسا خصوصيا 
كان هذا من الناحية الظاهرية لكنها في قرارة نفسها أرادت أن توصل رسالة شديدة اللهجة لدياب لكي لا يتدخل مجددا في أمور حياتها هي ليست ضعيفة لتستعين بالغير للدفاع عنها أو حمايتها واستعادة حقها المسلوب فهي كفيلة بفعل هذا بمفردها وبكفاءة 
استعدت للذهاب إلى منزلهم القريب من بناية عائلتها وعمدت إلى إرتداء أبهى ما تمتلكه لتبدو أنيقة غير عابئة بالمال أو غيره 
رأتها والدتها قبل أن تخرج فهتفت بسعادة
ربنا يكرمك يا بسمة ويصلح حالك ويحبب فيكي خلقه!
التفتت برأسها نصف التفاتة لترد بجمود
متشكرين على الدعوة!
أضافت عواطف مشجعة إياها على بذل الجهد
ارفعي راسنا يا حبيبتي شرفينا عند الجماعة!
ضاقت نظرات بسمة وصارتا أكثر حدة ثم هتفت مستنكرة توصيتها تلك
هي أول مرة أدي درس جرى ايه!
رفعت والدتها كفها أمام وجهها قائلة بحذر
خلاص مش هانشد على بعض اتوكلي على الله وشوفي حالك 
تمتمت بسمة بخفوت وهي تلج للخارج
يكون أحسن بردك!
تنهدت عواطف بعدها بعنق واتجهت للمطبخ لتحضر أدوات التنظيف لترتيب المنزل وتنظفه 
في نفس الوقت بالداخل 
وضعت نيرمين يدها على جبهة رضيعتها رنا فوجدتها ملتهبة للغاية 
جذع قلبها خوفا عليها وتحسست باقي جسدها الصغير لتتأكد من ظنونها 
كانت الحرارة تبعثت منها بطريقة مقلقة للغاية فأسرعت بلفها بالغطاء الخاص بها وحملتها بين ذراعيها ثم هتفت بنبرة خائڤة
ماما الحقيني!
ركضت إلى خارج الغرفة ضامة إياها إلى صدرها ومحڼية عليها برأسها تقبلها بتلهف 
أقبلت عليها عواطف متسائلة بتوجس
في ايه يا نيرمين
أجابتها نيرمين بفزع
البت سخنة أوي وأنا مش عارفة أعمل ايه 
هتفت عواطف بتلهف وهي تدنو منها
وريني كده 
ثم وضعت يدها على جبينها لتتحسسه واتسعت حدقتيها مصډومة حينما شعرت بتلك السخونية المنبعثة منها فهتفت بهلع هي الأخرى
يا نصيبتي دي مولعة على الأخر!
فزعت نيرمين أكثر وتساءلت پخوف
طب والعمل أنا اديتها مخفض بس مش جايب نتيجة معاها 
رددت والدتها بجدية وهي تشير بيدها
احنا نطلع بيها دلوقتي على الوحدة!
وافقتها نيرمين الرأي قائلة
أنا بأقول كده بردك الدكاترة يشوفوها ويكشفوا عليها ويعرفوا مالها!
حركت عواطف رأسها بإيماءة قوية وهي تضيف بصوت آمر
ايوه البسي عبايتك بسرعة وأنا هادخل أحط العباية والطرحة عليا وأحصلك!
استدارت نيرمين بظهرها مرددة بتلهف
ماشي 
لم تصدق ولاء أذنيها حينما أخبرتها أمها بما فعلته مع الحاج مهدي وما أجبرته على فعله من أي مصلحة ابنتها 
ارتفع حاجبها للأعلى في حماس كبير وهتفت مندهشة وقد تهللت أساريرها
بجد يا ماما قولتي لأبوه مهدي!
أجابتها شادية بثقة وهي تبتسم لها بغطرسة
طبعا هو أنا رايحة أهزر معاه!
سألتها ولاء بتلهف وقد تمكن الفضول منها
وهو قالك ايه
تنهدت شادية ببطء ونظرت إلى طلاء أظافرها بتفاخر ثم أجابتها بتريث
هايجيب ابنه وهايعمل الصح!
زادت ابتسامتها إشراقا فقد أوشكت على تحقيق خطوة هامة في حياتها لكن سريعا ما تلاشت تلك البسمة وحل بديلا عنها القلق والوجوم وهي تردد بتلعثم
بس بس دياب 
تجمدت تعابير وجه شادية للغاية وانعقد ما بين حاجبيها بوضوح ثم قاطعتها قائلة بجدية متحدية
دياب أخره معاكي يرفع قضية ضم لابنه لو عرف بجوازك ومش هايعرف ياخده أصلا لأني هاقف قصاده وفي الأخر الحضانة هاتروح ليا يعني القانون في صفنا يا ولاء!
نظرت ولاء لأمها بإندهاش فلم تتوقع أن تحسب الأمور من منظور قانوني مختلف كان غائبا عنها 
عاتبت نفسها على تفكيرها محدود الأفق مرددة
إزاي مافكرتش في الحكاية دي 
رمقتها والدتها بنظرات مستخفة وهي تجيبها بإهانة
عشانك عبيطة باصة تحت رجلك وبس 
زمت ابنتها شفتيها وزفرت بضيق
فرغم كل شيء أمها محقة هي دوما تنظر للأمور من الناحية المادية فقد ولا تضع مخططات بعيدة المدى بما يخدمها في المستقبل 
أضاف شادية قائلة بمكر
لازم تفكري كويس وتحسبيها صح وتستفيدي من الكل!
أها 
ثم تابعت بخبث لئيم وقد برقت عيناها بوميض شيطاني
طول ما يحيى معانا انتي هاتقدري تاخدي اللي عاوزاه من دياب وفي نفس الوقت هاتضمني فلوس وأملاك مازن في جيبك وخصوصا لما تجيبي عيل منه! 
كزت ولاء على أسنانها مرددة بغيظ
ده أنا كنت غبية أوي خۏفي من دياب عاميني عن حاجات كتير!
لوت شادية ثغرها بابتسامة عابثة وهي تضيف
طبعا اللي برا الحكاية غير اللي جواها!
احتضنت ولاء أمها بقوة وشكرتها ممتنة لذكائها ودهائها
ربنا يخليكي ليا يا ماما دايما في ضهري ومسنداني!
ربتت شادية على ظهرت ابنتها برفق مرددة بجدية
المهم انتي تركزي الأيام الجاية وتثبتي!
ثم أبعدتها عنها لتحدق مباشرة في عينيها وأضافت محذرة
اوعي تباني ضعيفة أو مهزوزة قصادهم! فاهمة!
هزت رأسها بالإيجاب وهي تقول
حاضر هاعمل كل اللي تقوليلي عليه بالحرف!
استقبلت الحاجة جليلة بسمة التي حضرت إليها بترحاب كبير 
مسحت على ظهرها بنعومة مرددة بنبرة سعيدة ومهللة
يا مرحب بالأبلة
نورتي بيتنا يا حبيبتي 
ابتسمت لها بسمة بتصنع وولجت إلى الداخل وهي تجوب المكان من حولها بنظرات سريعة وعامة 
مجيئها إلى هذا المنزل كان تحت ضغط كبير لكنها مضطرة لهذا لغرض في نفسها 
ربتت جليلة على ظهرها وهي تتابع بحماس
تعالي يا بنتي أوضة المذاكرة من هناك هما غاوين يذاكروا في السفرة على التربيذة واحنا بنسيبهالهم 
ردت عليها بسمة بجدية
اوكي بس أنا هادي كل واحد لوحده المنهج مختلف عن بعض!
اتسعت ابتسامة جليلة ورحبت بالأمر قائلة
أه وماله الصح اعمليه وأنا معاكي فيه!
تساءلت بسمة باهتمام
شكرا بس السفرة مقفولة ولا لأ !
أجابتها جليلة بنبرة عادية وهي تشير بذراعها
هو محدش بيقعد فيها إلا ساعة الغدا ولو في ضيوف ممكن تقعدي في أوضة من أوض العيال 
طيب 
وفجأة صاحت جليلة عاليا وهي محدقة أمامها
بت يا أروى تعالي الأبلة بتاعتك جت ونادي يحيى خليه يجي يسلم عليها!
ثم التفتت برأسها نحو بسمة التي كانت مصډومة من تصرفاتها وتابعت قائلة بأريحية
إن شاء الله هاتتبسطي معانا ده زي بيتك!
مطت بسمة فمها لترد باقتضاب
إن شاء الله 
سألتها جليلة وهي تبتسم لها ابتسامة عريضة
ها تحبي تشربي ايه ولا أقولك نجيب أكل الأول
هزت بسمة كلا من يدها ورأسها نافية وهي تهتف معترضة بشدة على ما قالته
لالالا أنا جاية أشتغل وبس مش عاوزة حاجة!
استغربت جليلة من ردة فعلها المبالغة قائلة بعتاب خفيف
عيب عليكي ده احنا بيت كرم ولا عاوزاني أزعل!
ردت عليها بسمة بإصرار
لأ شكرا أنا واكلة وشاربة كويس!
يئست جليلة من إقناعها بتناول الطعام قبل الشروع في درسها وهتفت متسائلة بحذر
طيب أعملك شوية شاي حلوين ها ايه رأيك
ردت عليها على مضض مستسلمة لعروضها الملحة
ماشي!
حافظت جليلة على ابتسامتها المرحبة وتابعت مشجعة إياها على التحرك
طيب يا حبيبتي اتفضلي اتفضلي 
لم تتمكن بسمة من رؤية دياب رغم محاولتها اختلاس النظرات فظنت أنه ربما يكون غير متواجد بالمنزل 
نفضت مؤقتا فكرة البحث عنه واتجهت نحو غرفة الطعام لتبدأ مهمتها في الاستذكار مع أبناء عائلة حرب 
وبخ الحاج مهدي ابنه مازن بشدة لخروجه عن المألوف والمتبع وزواجه بطليقة دياب سرا وظل يكيل له بالكلمات اللاذعة والإهانات الموجعة 
اغتاظ مازن من تحامل والده عليه وهتف محتجا وقد اكفهرت قسماته
جرى ايه يا حاج مهدي هو أنا أذنبت يعني انا راجل وقادر أتجوز
صاح به مهدي پغضب
ايوه بس في النور مش من ورانا كلنا 
رد عليه غير مكترث
اللي حصل
بقى!
استشاط مهدي ڠضبا من برود ابنه المستفز وعدم اهتمامه بتبعات أفعاله التي دوما تزج به في المصائب 
هدر به بصوت محتقن
تصدق انت معندكش ډم!
رد عليه مازن بنبرة جامدة
انت مكبر الموضوع ليه يا حاج عادي يعني واحدة زي أي واحدة!
اڼفجر فيه مهدي بصوت جهوري متشنج
لأ مش زيهم ده كفاية أمها الفقر!
نفخ مازن مرددا بنفاذ صبر وهو يشيح بذراعه في الهواء
يووه!!!
أضاف والده قائلا بصرامة
لازم تتصرف وتصلح الموضوع ده على طول ومن غير فضايح 
ضيق مازن نظراته نحوه ورد عليه بفتور
مش فاهم يعني!
أوضح له مقصده بجدية
هاتجوزها رسمي ومافيش حد هايخد خبر بده!
تقوس فم مازن بسخرية قائلا بعدم مبالاة
قصدك المحروس دياب 
رد عليه مهدي بصوت متصلب وقد اشتعلت نظراته
أه هو أنا مش عاوز عداوة معاه ولا مع عيلته أنا مصدقت إننا خدنا هدنة واتصالحنا 
انزعج مازن من أسلوب والده المكبر للأمور فأردف قائلا ببرود متعمدا الإساءة إليهم
يا حاج انت عاملهم قيمة وهما مايجوش جزم في رجلنا!
لكزه أباه في كتفه بقسۏة محذرا
خليك إنت كده بتفكر بمخك التخين ده لحد ما تخرب يا أهبل بص لقدام مصالحنا كلها معاهم!
رد عليه غير مكترث وقد حل الوجوم عليه
بناقص منها إن كانت من وشهم!
ثم تابع قائلا بشراسة
ده بدل ما ناخد بتار مجد أخويا المحبوس ده!
رد عليه والده بضيق
بكرة اخوك يخرج من حپسه فمش لازم تحصله إنت كمان!
صمت مازن وظل محدقا أمامه في الفراغ بنظرات غامضة يفكر في شيء ما 
راقبه والده عن كثب ثم دار حوله ليقف قبالته وسأله بجدية
ها هاتعمل ايه
رد بامتعاض
هاشوف 
صاح به أباه بجدية وهو يشير بسبابته محذرا إياه من التهاون في المسألة
انجز في الليلة دي مش عاوز رطرطة كلام فيها! سامعني!
ضغط مازن على شفتيه قائلا على مضض
طيب!
حمدت أسيف الله في نفسها أن المسافة من الفندق للمنطقة الشعبية لم تكن بعيدة وبالتالي لم تحتاج كلتاهما لإستئجار سيارة خاصة لتوصلهما إليها 
استمرت هي في دفع مقعد والدتها عبر الطرقات الجانبية حتى وصلت إلى المكان المنشود 
ومع أول خطوات وطأتها بداخله تسارعت دقات قلبها وزادت الحماسة بداخلها 
حاولت قدر المستطاع أن تختطف