روايه بقلم اماني عنان

عطائه الكبير قليل في نظر همت وبتحب جعفر أو بمعني اصح الشيطان مصور لها كدا سالت جوزها فجأة بعد لحظة سكات
همت جعفر عمل ايه في رجله 
سكت منصور بعد ماكان هيقول لها بخير وسألها 
أنتي كي عرفتي أن جعفر انحرق !
همت بقت في موقف صعب وعجزت عن الرد
منصور ردي عليا
همت
يتبع 
لما منصور سأل مراته عرفتي ازاي أن جعفر زميلي في الشغل انحرق سكتت وماعرفتش ترد الكذبة مش حاضرة والموقف صعب اوي عليها ممكن يشك فيها لو قالت اي حاجة راحت قفلت الخط وبسرعة قفلت بيانات الهاتف وقعدت في جانب علي السطح تفكر 
همت اعمل ايه دلوقتي ي نهار اسود منصور هيسألني تاني ولازم ارد رد كويس

مسكت التليفون فجأة ورنت علي الحجة اللي هتقولها لجوزها واول مافتحت الخط اتكلمت بمسكنة 
همت الو كيفيك ي صفية مبروك رجعتك
صفية الله يسلمك الحمد لله بخير
همت أكده ماتسأليش عليا ولا تكلميني اعرف انك جيتي اجيكي !
صفية انتي كمان ماسألتيش عليا طول مانا غضبانه
همت اتلجلجت شويه العيال شغلوني وحماتي ست كبيره ومريضة لكن مع ذلك مانستكيش والله
صفية تسلمي فيكي الخير
همت ايه عامله وجوزك جه علي أكده ولا لسه 
صفية الحمد لله بخير جعفر لسه مانزلش كمان سبوع أن شاء الله هيجي
همت يجي بالسلامة أن شاء الله
صفية الله يسلمك عامله ايه وعيالك عاملين ايه 
همت تجاهلت السؤال وسألتها هي منصور امبارح كان سهران في الشغل بس ماقاليش أن جعفر امعاه هو اشتغل في موقع تاني ولا ايه
صفية ايوا صح اصله انسلق امبارح
همت ي خبر لا اله الا الله ازاي دا حصل 
صفية بسيطة أن شاء الله وقع علي رجله ميه مغلية
تأليف أماني عنان
همت عين وصابتكم ربنا يرده سالم ويبارك لكوا في حياتكوا
صفية هههههه عين علي ايه بس !! يالله الحمد لله علي كل حال
همت طيب هقفل دلوقتي عشان ابني امعاه درس وهكلمك بالليل لما يعاود وينام
صفية ربنا معاكي
همت مع السلامة
بعد ماقفلت مع صفية كلمت جوزها علي طول 
همت ايه حصل النت قطع من عندك ولا ايه 
منصور لا دا انا رنيت عليكي تلت مرات ماردتيش
همت ايوا ابنك كان عايز فلوس عشان الدرس المهم كنت بقولك جعفر ايه عامل صفية مرته فيها الخير كلمتني تسأل عليا وعلي العيال فسألتها علي حالها وجوزها قالت لي والله زعلت عليهم
منصور ارتاح وفهم أنها عرفت بالصدفة قلبك كبير ي حبيبتي ربنا يحفظك لينا انتي نور حياتنا كلنا
همت هعمل ايه انتوا قدري وواجبي خدمتكوا
منصور امي ايه عامله
همت افتكرت ميعاد الدوا ردت عندها دوا دلوك يادوب انزل اغديها واديها الدوا
منصور الله يكرمك خدي بالك منها دي ست كبيرة واختي متجوزة ومشغولة مع عيالها وبيت جوزها
همت ماتقلقش يالا سلام
منصور مع سلامة الله 
أمانيعنان صعيديةفيمحنة
الحق
يتقال همت كانت خاېنة ومچرمة لكن كانت كويسة مع حماتها برغم مشاكل اخت جوزها معاها إلا أنها كانت بتحمي حماتها وتأكلها وتخدمها يمكن كانت بتعمل كدا تكفير ذنوب او حاجة تخليها تسامح نفسها وتغفر خيانتها في النهاية لو جوزها عرف هيرميها في الشارع واحتمال كبير ېقتلها صحيح هو ضعيف قدامها وبيتمني لها الرضا بس علي اساس انها صاينة بيته ومضلله علي عياله وأمه مايعرفش خيانتها بتكدب وتخبي بإتقان
عدت الايام وجه ميعاد رجوع جعفر صفية راحة جاية في شقتها ومعاها احمد وشهد بنت حنان 
شهد مالك ياخالة 
صفية خالك جعفر في الطريق جاي بعد غياب طويل
مش عارفه ايه اللي هيحصل
احمد ابويا جاي يامه
احمد هيييييه
صفية يالا انزلوا العبوا تحت ولما ياجي نادمي عليا بسرعة ي شهد اول ماتسمعي صوت العربية وخالك عمار امعاه
شهد خدت احمد من أيده ونزلت بيه علي السلم حاضر
فضلت صفية متوترة في الشقة ودخلت لبست فستان بنفسجي وطرحة طويلة ونقاب فكرت لحظات ياتري جعفر هيقول ايه لما يعرف اني منقبة ومابقيتش اخرج غير بيه 
اكيد هيفرح مافيش راجل يكره السترة
صوت شهد وهي طالعة تجري علي السلم ياخالة ياخالة
صفية فتحت باب الشقة بفرحة وهي بتبتسم ها جه
شهد ايوا كلهم برا وجدتي بتفتح الباب
صفية طب يالا بينا
نزلت قدام البنت بسرعة علي تحت وقبل ماتنزل اخر درجة سلم كان جعفر في وشها 
صفية قلبي زايد دقاته والله كني جنيت وماقدراش اسيطر علي نفسي
جعفر واقف قدامها مبتسم ومافكرش كتير قال صفية
صفية مكسوفة خالص بس سلمت نفسها لمشاعره الطايشة وسكتت جوا جعفر حالة من الشجاعة الجنان والأندفاع
جعفر اتوحشتك قوووي ي ام احمد
صفية حطت أيدها علي ضهره وطبطبت عليه وانا كمان اتوحشتك قد الدنيا كلها
جعفر يااااه علي الايام
سكتت علي قد ماتقدر وسابت الثواني المعدوده دي تعوضها ۏجع سنين
حماتها حمدالله علي سلامتك ي ولدي
جعفر حس أنه تنبيه كفاية أكده وفي شقتك اعمل اللي يعجبك ساب صفية ورد الله يسلمك ياست الحبايب
بص قدام شوية شاف اسراء مرات نوح ابتسم وقال فجأة اهلا ازيك ي اسراء
اسراء بعيونها السودا الواسعة بصت له وقالت الحمد لله بخير تسلم ي ابو احمد
ماشاء الله بتك جميلة زيك
نوح واقف وه طب وانا
جعفر لا احنا عايزين البت سوقها يمشي خلي الواد شبهك والبت امها
الكل ضحكوا علي كلامه وبعد كدا اتغدوا وراح كل واحد علي شقته 
نوح بيقفل باب الشقة واسراء بترضع بنتها الصغيرة عندها سنة ونص تقريبا وقربت تتفطم دخل متنرفز وباين علي وشه أنه مضايق 
اسراء مالك 
نوح مامليش
اسراء وه هو انا ماعرفكش والله متغير
نوح وتعرفي مين تاني ي ست هانم ياعرفه في الرجالة
اسراء استغربت كلامه انت بتغلط ليه 
نوح لسه بتستفسري بطلي تمثلي وش الملايكة ده ماينفعش معايا جعفر قال لي علي كل حاجة 
رمي نوح الكلمة وسكت عامل زي اللي رمي سهم من غير مايحدد مكانه هو عايز يعرف اللي مايعرفهوش اللي حاسس بيه ومش متأكد منه هل كان في علاقة بين اسراء وبين جعفر ولا لا 
شالت بنتها
بعد مانامت وحطتها في السرير غطتها واتغطت جامبها نوح استغرب ايه البرود دا كله !
نوح راح شد الغطا بقولك جعفر قالي علي كل حاجة
اتعدلت بمنتهي الهدوء وقعدت علي السرير وقالت طيب لما هو قالك ماعملتش حاجة ليه ليه شكلك محتاس ولسه عايز تسمع
عموما ي نوح هو مايقدرش يقولك عارف ليه
اقولك من غير ماتسأل نفسك لأن اخوك الكبير شيخ البيت الموقر حاول قبل أكده يكلمني ويدخل معايا دخلت الحبيبه بس انا رفضته واديته في جنابه مش كل الستات سهله وبيتمشي معاها فهمت
والله وحيات بتي هو دا كل اللي حصل
نوح قعد جانبها علي السرير مصدقك جعفر لعبي
اسراء الحمد لله الثقة أساس اي علاقة لو انعدمت يبقي الحياة انتهت بين الطرفين 
نوح بصي مالكيش صالح لابجعفر ولا بمرته اقتصريهم خاااااالص والزمي شقتك ومافيش نزول غير معايا كل ليلة ساعة اخر النهار
اسراء اللي تشوفه بس اروح لاهلي كل يوم الجمعة مايتغيرش
نوح ماشي بس انتي وظروفي برضو مش اجباري
اسراء قدم النية الخير وهو يتسهل
نوح تمام
تأليف أماني عنان
اسراء يالا عاد نام النهار هيطلع
نوح ماشي
اسراء ومالك مبتسم أكده ووشك امنور
نوح عشان قلبي ارتاح ????
جعفر داخل بشويش اوضة نومه وبيسأل صفية بالاشارة والهمس 
احمد نام
صفية ايوا خلاص
جعفر زين هاتي انيمه مكانه
شاله واول ماتحرك صحي وعيط انا عايز ماما عايز ماما
صفية ضحكت وقامت بسرعة صح انا غلطانه المفروض اقعد جامبه لما ينعس في أوضته لانه متعود ينام جامبي وانا معاه اهنه
جعفر شيله لها وقال بتكشيره اخدي نيميه وتعالي
صفية ماشي
حطته علي سريره وفضلت تحرك أيدها علي شعره وتغني له بشويش عشان ينام بتطبه زي ماهو متعود بالظبط 
حبيبي الغالي ي اغلي الغوالي يا حمادة
ان شالله تعيش وتبقي عريس وتاكل شوكولاته
ي حبيبي الغا 
نام ي قلب امه غطته وقفلت الباب وراحت علي اوضتها بخطوات خفيفة غير مسموعه علي اساس ابنها مايحسش بيها ولا يقوم وراها لكن لسوء حظها جوزها كمان ماحسش بيها وسمعت كل حاجة

ياتري صفية سمعت ايه وهيكون رد فعلها ايه 
يتبع 
سمعت صفية كل كلام جوزها وكانت مصډومة من طريقته وقفت مكانها زي الصنم ازاي بعد غياب تلت سنين يرجع متغير وبيعرف ست غيري !
طب ليه 
علي الأقل كان صبر لما انيم ابني وارجع اقعد معاه لو الليلة بس يكون مخلص لي 
انا مش عارفه اتصرف ولا اتحرك لاي اتجاه ادخل عليه ولا ارجع انام جامب ابني وخلاص
بعد تفكير طويل من صفية كان جعفر بيضحك ويقول بصوت واطي مسموع لها 
جعفر هههههه ي نهار جوزك الاهبل كان هيقفشك
الطرف التاني علي الخط ايوا بس ربك ستر
جعفر ناصحه
الطرف التاني اللي صفية ماتعرفش مين لا انا بدأت اقلق كدا هيشك فيا ويركز معايا اكتر
جعفر لا لا تقلقي كي دا انا عايز اجيكي
الطرف الآخر احترم نفسك كفاية كلام فيديو بس وصوت
جعفر اكده تقدري يبقي بيني وبينك خمس دقائق مشي وما اشوفكيش
صفية قررت تعمل نفسها بتقفل باب احمد ولسه خارجة من عنده جت علي روحها اووووي ومابينتش أنها سمعت كملت في طريق مظلم معروف نهايته لكنها قررت تماطل يمكن يبقي في فرصة للحياة في بيت مع راجل يصرف عليها واسمه ابو ابنها اكيد هيكون حنين عليه وكريم معاه ارحم من شفقة الناس ولم صدقتهم 
لما جعفر حس بيها قفل الخط بسرعة ومسك التليفون كأنه بيتصفح علي الانترنت 
صفية ايه لساك صاحي
جعفر وه دا سؤال
صفية لا دا جر كلام عشان تحكيلي ايه عامل وكيف عايش في الغربة 
جعفر مش وقته الكلام تعالي في حضڼي عايز املي صدري بريحتك
صفية ابتسمت نص ضحكة وكأنها بتمثل وسابت نفسها للموج يجرفها زي مالهوا يريد عيونها ثابته علي الفراغ وبتحاول تعدي الوقت المفروض يحس لو راجل طبيعي وعنده قلب هيفهم أن مراته بني آدمه من لحم ودم مش دميه يحركها زي ماهو عايز تأليف أماني عنان
جعفر حبيبتي انتي مابتتكلميش ليه 
صفية بسمعك
جعفر هههههه بقيتي عاقلة قوي ي صوفه
صفية وانت بقيت شاطر في الكلام
جعفر استغرب قصدك ايه 
صفية اقصد كلامك حلو
جعفر ضحك خد ثقه اكبر في نفسه وطفي نور الاوضة 
بعد مرور أسبوعين من الإجازة شهد بتكلم امها فيديو وبنتحرك قدام صفية وهي بتطبخ 
شهد هتيجوا امتي 
حنان لسه ي شوشو كمان ست شهور أن شاء الله
شهد كتير انا زهقت وعايزا أخرج أو اشتري هدوم جديدة
حنان حاضر هبعت لجدتك فلوس اخليها تشتري لك اللي انتي عايزاه مبسوطة ي ستي
شهد ايوا خالص بس هبقي مبسوطة اكتر لو جيتي
حنان حاضر ربنا يسهل وبعدين انتي مش صغيرة ي حبيبتي استحملي شويه
السنة الدراسية قربت تخلص وهتيجي انتي تقعدي معانا
شهد ماشي
حنان ذاكري زين
شهد بذاكر والله بس بعد الهدوم هذاكر احسن
حنان ههههه اسمعي كلام جدتك واخوالك
شهد حاضر
اتحركت وجابت صفية في الفيديو فشاورت لها وسلموا علي بعض وقفلت البنت
المكالمة بعدها بيومين بعتت حنان لامها 3000جنيه عشان تشتري لبس واكل للبنت امها أدت الفلوس كلها لبهية 
خضرة اخدي اشتري لحمة وفراخ وخزين البيت
بهية طب والبت 
بهية اديها 500 اجنيه حلوين قوي عليها ولا اقولك خليها تشتري وانتي حاسبي وماتعرفهاش حاجة بكام بالظبط
بهية خدت الفلوس وراحت صرفتها زي ماهي عايزا ولا البنت تعرف أن امها بعتت كتير ولا الام تعرف أن فلوسها كلها بتتصرف علي مزاج امها اللي بتحب بهية وعيالها اكتر من سمر وحنان صفية طبعا عارفه كل حاجة بتسمع وتشوف وتسكت لسه مجاش وقت الكلام
اخت صفية كانت بتكلمها في يوم والأمور بينهم شبه رجعت لطبيعتها بتسألها عن عروسة لسلفها 
زكية ماتعرفيش عروسة لخيري
صفية خيري مين 
زكية سلفي مراته ماټت وهي بتولد وسابت عيل اصغير
صفية ماعرفش حد انا من ساعة مالبست النقاب وانا مابخرجش قد اكده
زكية هشوف والله هو عايز ست حنينه تربي ولده وتحافظ عليه
صفية سكتت شويه وفكرت في سمر وبعد كدا قالت لا لا دي مش حنينه خالص
زكية تقصدي مين 
صفية بلاش
زكية لا قولي ولو في نصيب هيتم الجواز مهما يحصل
صفية سمر اخت جوزي ايه رايك فيها 
زكية هي صعبة بس يمكن تكون اتغيرت وبعد الطلاق اللي عاشته دا كله تحافظ علي بيت المرة دي وتعيش بما يرضي الله
صفية ممكن خلي الرجالة يجوا يتكلموا مع اخواتها والعريس يشوفها ولو اتفقوا خير وبركة اهي تروح من قدامي بدل ما تتلكك لي كل شويه وقاعدين لبعض علي الواحده 
زكية تمام على بركة الله
قفلت صفية الخط وبعد يومين جه جوز زكية واختها وخطبوا سمر وربنا سهل واتجوزت لكن حصل موقف يزعل جدا لصفية 
صفية طقم الكاسات دا بتاعي
زكية ششش بتقولي ايه !
صفية وزكية بيرصوا حاجة سمر والستات بتساعدهم
صفية والله في عزال من اللي بيتفرش ويتحط في المطبخ دا متحول
من شقتي وحاجتي حسبي الله ونعم الوكيل
زكية ي نهار ابيض شكلي لبست سلفي في جوازة سودة
صفية بطلي ضحك وقوليلي اعمل ايه دلوقتي اخد حاجتي دي ولا اتكلم واعرف حماتي أن بنتها سارقه حاجتي وبتتجوز بيها
زكية اسكتي لو عايزة تعيشي معاهم
اسكتي جوزك يجيبلك وخلاص ماتعمليش مشاكل
صفية قعدت علي الكرسي زعلانة كانت لابسة فستان بني في بيج وخمار بيج قالت 
صفية اللي لازم تسكت صفية اللي لازم تستحمل قرف الكل عشان تعيش وتلاقي لقمتها هي وابنها صفية صفية صفية
انا تعبت
عيطت وأنهارت اختها فضلت تطبطب عليها وهي قلقانه لحد ياخد باله 
زكية خلاص بقي ي صفية لمي الدور مش عايزا فضايح الله يسترك
بصت لها وخرجت ماشي انا هسكت كالعادة ماهو مش جديد عليا
طلعت تدور علي ابنها وفضلت برا البيت شويه تشم هوا ومادخلتش تفرش معاهم تاني 
الإجازة خلصت وجعفر مسافر خلاص بكره صفية عايشه عادي ومش مبينه اي حاجة ماعندهاش جرئه تتكلم وتقوله سمعتك بتحب في التليفون وتقول كلام صعب وكبير له معاني كتير بالنسبة لواحد متجوز كلام يدل علي انك ماشي غلط وحياتك كلها معاصي الليلة اخر ليلة له في البيت وبكره هيسافر ويبعد عن حياتها الوقت أتأخر اوووي صفية راحه جاية في الشقة احمد ماشي وراها 
صفية انتبهت للطفل اللي سهران جانبها قالت حبيبي لساك فايق ليه 
احمد مستني ابويا معاكي هو صحيح هيمشي بكره يامه
صفية ايوا
احمد طيب انا هقعد صاحي عشان اشوفه
صفية ماشي كل وتعالي استناه في السرير تحت الغطا
احمد ماشي
بعد ماكل وغسل وشه دخل علي السرير واول ماتغطي نام سابته صفية وقامت عشان تشوف الساعة كام وتتصل بجوزها بصت في ساعة التليفون طلعت 2بالليل استغربت وقلقت رنت عليه وهي بتدعي ربنا يحميه عشان ابنه ويرجعه بالسلامة ماردش دخلت تفرد جسمها علي السرير وهي مستنياه نامت وبعد فترة من الليل سمعت صوته في الاوضة قامت بسرعة 
صفية حمدالله ع السلامة
جعفر بينشف شعره الله يسلمك
صفية انت اتسبحت !!
جعفر لا
صفية يعني بتنشف شعرك علي الناشف
جعفر ايوا صح غسلت راسي بس أكده وغيرت هدومي
صفية قامت تجهز أكل او تقعد معاه قال لها علي فين 
صفية زمانك جعان مالحقتش الغدا معانا من بدري بره
جعفر نام في السرير وشد الغطا وقال بلا مبالاة كلت بره وماعيزش غير انام عشان سفر بكره
صفية وقفت مكانها لحظات وهي بتسمع صوت أنفاسه وطريقة نومه السريعة كأنه كان بيشتغل في الأرض قبل مايدخل البيت مشيت وهي نفسيا مهزومه وحزينة
طب
ازاي مسافر بكره وازاي جه متأخر وعايز ينام مش المفروض يقعد امعايا طيب اهو علي الأقل يودع مرته !
دخلت الحمام شافت هدومه متعلقه ورا باب الحمام بتنزلها في الغسيل شافت هدومه متبهدلة تراب وطينه عيونها وسعت وخيالها راح للمكالمة اللي سمعتها قالت پغضب شديد 
صفية الله يحرقك ي جعفر وصل بيك الحال لحد أكده كمان والله ماهسكت
هجمت عليه وهو نايم پعنف وتهز في كتفه وف أيدها هدومه 
صفية قوم
جعفر ايه في ايه 
صفية فز قوم وخلصني
جعفر مالك ي وليه انتي
صفية انت كنت فين لحد دلوك 
جعفر مالكيش صالح
صفية لا ليا
جعفر كنت عند جماعة اصحابي
صفية طب وايه دا !!!!!!!!!!
جعفر بص والكلام هرب منه لانها واضحه زي الشمس خاېن
يتبع