رواية رائعة بقلم شيماء رضوان

فلن يسامحوهم ابدا
فى الاسكندريه كان محمد يجلس فى مكتبه شاردا ودخل عليه ادم
ادم ..احنا لازم نثبت الحقيقه لازم نعرف مين اللى عمل فينا كده لازم يعرفوا انهم ظلمونا وجم علينا اوى
محمد..عايزنا نعمل ايه يعنى انا خلاص بعد اللى اسماء قالته الموضوع خلاص معدش يفرق معايا
ادم..لا يا محمد لازم يعرفوا الحقيقه علشان بحسوا بالقهر انهم صدقوا حاجه زى كده بس اللى هيجننى ان ازاى الصور حقيقيه احنا عملنا كده امته او ازاى
محمد بتفكير..معاك حق احنا لازم نجيب الصور دى وندقق فيها لازم اكلم نور اخليها تبعتها
اتصل محمد بنور قالت له انها ليست فى المنزل ولكنها ستتصرف اغلقت نور الهاتف واتصلت ببسمه وطلبت منها ان تاخذ مفتاح شقتها من والدتها وتصعد الى شقتها وتاخذ الصور من الدولاب وتصورهم وتبعث بالصور الى محمد شقيقها فعلت
________________________________________
بسمه ما طلبته منها نور وارسلت الصور الى محمد قام محمد بنقل الصور الى اللاب ليتمكن من تكبيرها واخذ يدقق بها هو وادم
بعد قليل من الوقت محمد بذهول.. لا مستحيل دى شقه احمد لا مش ممكن ايه اللى بيحصل ده بس
ادم پغضب.. يبقى اليوم اللى كان تعبان فيه وقالنا نشرب وعصير وصحينا الصبح مش فاكرين حاجه احنا لازم نرجع القاهرة لازم نعرف عمل معانا كده ليه
محمد پحده.. لا مش احنا اللى هنرجع لازم نتمم الصفقه الاول
ادم..امال مين اللى هيروح ليه
محمد بجمود ..عمى حامد
اتصل محمد بحامد واخبره بكل شىء ان يذهب الى احمد ويعرف لم فعل ذلك انهى حامد اتصاله مع محمد واخبر محمود ان يذهب معه لان ممكن ان يضطر حامد للضغط على احمد حتى يتكلم ذهب حامد ومحمود الى شقه احمد وقاموا بالطرق كثيرا على الباب ولكن لا يوجد رد
خرجت احدى الجيران على صوتهم وقالت.. انتوا مين وعايزين ايه
حامد بهدوء..انا حامد الشاذلى وده ابنى محمود كنا عايزين احمد هو فين يا حجه
الجاره..احمد سافر هو واخته وساب معايا كارت مومرى وقالى لو حد فى عيله الشاذلى جه هنا اديهوله استنوا اجيبه من جوه
اعطت لهم الجارة الكارت وغادر حامد وابنه وقام محمود بتركيب الكارت على هاتفه وقام بتشغيل الفيديو الموجود به وكان احمد يعترف فيه بما فعله مع ادم ومحمد
محتوى الفيديو.. انا اسف يا محمد لانى خنتك وانت على طول واقف جنبى بس كنت مضطر لانه خطڤ اختى وهددنى بيها وخلانى احطلكم دوا فى العصير والدوا ده هيخليكم مش قادرين تتحكموا فى تصرفاتكم ولما تصحوا متفتكروش حاجه خالص وصورتكم مع البنات ولما اخد الصور ادانى اختى انا معرفش هو مين كل تعاملى معاه عن طريق التليفون عمرى ما شفته بس بيكرهكم اوى وحالف ليدمركم كلكم انا اخدت اختى وسافرت بره ومش راجع مصر تانى انا اسف يا صاحبى
حامد..كنت متاكد ان فى حاجه غلط تربيه الشاذلى عمرهم ما يعملوا كده ابدا لازم الحقيقه تبان بس استر يا رب من اللى جاى
بعث محمود نسخه من الفيديو لمحمد وادم وغادر الى المنزل هو وابيه لكى يكشفوا الحقيقه التى ستدمر الجميع
فى الاسكندريه محمد بالم..مش ممكن صاحب عمرى يعمى فيا كده
ادم..اللى حصل حصل وكويس اوى ان الحقيقه بانت بس احنا هنعمل ايه هنرجع القاهرة ولا هنفضل فى اسكندريه
محمد بجمود.. لا مش هرجع القاهرة وهسيب اسكندريه دلوقتى وهغير الخط كمان عايز ترجع انت حر انما انا لا
رمقه ادم بذهول لما يتفوه به وقال.. ليه كل ده
محمد پألم..اسماء لما تعرف الحقيقه هتجيلى هنا وانا متاكد وانا مش ضامن رده فعلى لو شفتها قدامى يا ادم مش مستعد انسي اللى هيا عملته
ادم بحزن..معاك حب انا عمرى ما كنت اتوقع ان اسراء تعمل كده وانا موافق يالا بينا
غادر الاثنان وغير كلا منهم شريحه هاتفه وذهبوا الى مكان لا يعرفه احد
فى القاهره جمع
حامد كل من فى المنزل وقام بتشغيل الفيديو
محسن..الحمد لله كنت عارف ان ابنى مظلوم الحمد
رافت پألم ..انا شكيت فى ابنى يا ريت يسامحنى
محمود بحزن ..كلنا شكينا فيهم حازم ونور وبسمه وبابا بس اللى كانوا متاكدين
اسماء ومازالت فى حاله صډمه مما اكتشفته للتو.. لا مش ممكن محمد عمره ما هيسامحنى انا جرحته وقلتله كلام يوجع انا ايه اللى عملته ده
امسكتها بسمه پألم وقالت..نور قالتلك اسكتى متقوليش كلام هتندمى عليه بعدين بس انتى مسكتيش
اسراء بدموع..انا عايزه اشوف ادم عايزه اعتذرله على اللى حصل انا دايقته اوى
محسن..هيرجعوا ان شاء الله انا هتصل بمحمد دلوقتى واقوله يرجع
حامد بجمود.. متتعبش نفسك وتتصل محمد بعتلى رساله انه هيغير تليفونه هو وادم ومش راجع القاهرة يعنى الاتنين سابوا اسكندريه خلاص
اسماء.. يعنى ايه يا عمى خلاص مش هيرجع هنا تانى
حامد.. اه يا اسماء محمد وادم سابوا اسكندريه ومحدش عارف راحوا فين
عدلى ..اهدوا يا جماعه كل حاجه هتتحل وان شاء الله سوء التفاهم هينحل وهترجعوا زى الاول
نظر محسن له واغمض عينه بالم وقال..مفتكرش يا عدلى ان كل حاجه هترجع زى الاول
وصلت نور مقر التدريبات وقد علمت ان الحقيقه ظهرت وعلمت ايضا اختفاء محمد وادم
نور پغضب..كنت عارفه ان محمد هيعمل كده محمد ممكن يدوس على اى حاجه ممكن ټجرح كرامته وصعب يسامح اسماء
حازم.. نور لما نرجع ان شاء الله كل حاجه هتتحل بس لازم نركز فى التدريبات مينفعش نشغل بالنا بحاجه تانيه دلوقتى الصعب عدى ان الحقيقه تظهر بس ان شاء الله هنصالحهم على بعض يالا بينا
صدح صوت اللواء المسؤول عن التدريبات وقال..الشباب فى ناحيه والبنات فى الناحيهاللى قصادها يالا بسرعه
افترقت نور عن حازم ووقفت بجانب الفتيات فى مقابل الشباب كان حازم ينظر لها ويبتسم فابتسمت له
معتز.. نهارك مهبب لو حد شافك بتسبل ليها
حازم.. ولا يهمنى دى مراتى يا عم الامور انا حر
معتز بسخريه..يا رب حد يسمعك ويقول جارى يحب فى مراته هنا
كانت نور تقف
________________________________________
بجوار فتاتين
الفتاه..ايه ده شايفه الرجاله المزز دى شكلنا هنطلع بعرسان يا بت
الفتاه..طيب شايفه اللى هناك ده وسيم اوى شايفه عضلاته تهبل
نظرت نور حيث تشير الفتاه وجدتها تشير ناحيه حازم
نور پغضب فى نفسها.. نهارك اسود بتعاكسي جوزى وداست على قدمها
الفتاه 2 بالم..ااه مش تفتحى
نور برقه..سورى يا قلبى مخدتش بالى
الفتاه 2..ولا يهمك انا شذا
نور بابتسامه صفراء ..انا نور
شذا واشارت على الفتاه الاخرى وقالت دى بقى سحر
رحبت نور بهما وتم توزيع المتدربين على الغرف واختار كل متدرب من يريد الاقامه معه اختارت نور شذا وسحر حتى تعرف بما يفكرون اما حازم اختار معتز وشاب اسامه
حازم پغضب..ايه اللى جابه هنا ده
معتز بصوت خفيض..اهدى شويه زى ما انت اختارتنى هو كمان اختار الاوضه دى متخليش غضبك منه زمان يخليك تفقد السيطرة على نفسك يا حازم
بعد قليل اجتمع كل المتدربين بالاسفل
اللواء..اول تدريب هيبقى ملاكمه علشان نشوف لياقتكم البدنيه هنقسمكم فرقتين كل فرقه ليها صندوق والاوراق اللى فى الصندوق الاول نفس الاوراق اللى موجوده فى الصندوق التانى واللى ورقتهم هتبقى متشابهه هيلعبوا مع بعض سواء شاب جه مع بنت هيلعب معاها ومسموح تبديل الاوراق مع بعض عادى
كانت نور مع معتز فى فرقته اما حازم كان فى الفرقه الاخرى سحبت نور ورقه وكان حظها ان من سيلعب معها كان اسامه اما حازم فكان سيلاعب لاعب اخر ومعتز كذلك ابدل معتز من خصم خازم ليبقى مع حازم
حازم..بدل ورقتك مع نور
معتز باستغراب..ليه
حازم پغضب ..فتح دماغك دى شويه انت عايزنى اسيب مراتى تلعب مع راجل غريب وخصوصا اللى اسمه اسامه
معتز ..اااه فعلا معاك حق
ذهب معتز الى نور وقال.. هاتى ورقتك يا نور
نور باستغراب..ليه
معتز..لان مينفعش تلعبى مع اسامه واخذ منها الورقه واعطى لها ورقته
نور..منك لله حازم ايده ناشفه
معتز ..بس اكيد مش معاكى يعنى مش هيعلم على مراته قدام الناس
لعب كل خصم مع خصمه الاخر ولعب معتز مع اسامه وغلبه
اسامه بتهكم..ايه يا حازم اشمعنه بعتلى معتز مجتش انت ليه ولا عايز تلعب انت مع المزه واشار على نور
اقترب حازم منه پغضب لولا يد معتز التى منعته لكان ابرحه ضړبا فقال.. لم نفسك وقصر لسانك لقطعهولك 
جاء دور حازم ونور حازم بتحذير ..نور بلاش ضړب فى الوش يا نور حافظى على وشي وانا هحافظ
على وشك
نور بغموض..اتفقنا يا حازم
بدا حازم اللعب مع نور ولکمته نور على وجهه
حازم پغضب..يا بنت المجنونه والله لاوريكى
انتهى النزال بفوز حازم وقد ارهق قواها
اللواء..هايل اوى استراحه النهارده ونكمل بكرة
بعد ذهاب اللواء غادر حازم هو الاخر
معتز باستغراب ..هو راح فين
نور بخبث..معرفش
معتز ..ضربتيه فى وشه ليه
عاد حازم بعد قليل وكان معه كلب مخيف
معتز بذهول..ايه اللى انت جايبه ده مراتك بتترعب منهم
حازم بسخريه..عارف علشان كده جبته
اشار حازم للكلب على نور فذهب تجاهها رأته نور فركضت بسرعه كانت نور تجرى ويجرى وراءها الكلب المفترس ظلت فترة طويله تركض نور وهى تنهج من كثره الركض..منك لله
الهى اشوف فيك يوم يا حازم الكلب
حازم وهو يجرى وراءها ويضحك بشده..علشان تبطلى تستفزينى انتى اللى بداتى وانا مبسبش حقى يا حضره الضابط قلتلك متضربيش فى وشي وانا الوش مفيهوش معلش
نور بتعب..خلاص وقفه بقى مش قادرة
حازم ..هوقفه بس بشرط
نور باستغراب ..شرط ايه
حازم بخبث..قوليلى لو سمحت يا جوزى يا حبيبى وقف الكلب
نور پغضب ..نعم انت بتحلم وانا عندى افضل اجرى اليوم كله اهون قال حبيبي قال حبك برص
حازم ..خلاص انتى اللى اخترتى
ظلت نور تجرى وهى تدعى على حازم
نور بصړاخ..وقف الكلب يا حازم الزفت بدل ما اۏلع فيك والله لاقول لابويا هو اللى جوزنى الجولجوازه دى ونادت باعلى صوتها يا معتز
نادى معتز عليها..اعمل ايه ده كلب متوحش
نور..قول لصاحبك يوقف الكلب نفسي اتقطع
حاول معتز ان يقنع حازم ولكنه رفض حتى تنفذ شرطه اوقف معتز الكلب بصعوبه نور وهى على الارض من شده التعب..منك لله والله لوريك يا بارد
حازم..بطلى شتيمه يا حضره الضابط بدل ما تتعاقبى
نور بغيظ..منه لله اللى طلعنى التدريبات دى معاك اشوفه بس وانا اجيب رقبته
معتز..معلش عارف انه رخم حظك كده
حازم..بس يا بابا
نور..مستفز وبارد الهى اشوف فيك يوم
كانت نور تتناول طعامها مع شذا وسحر
شذا..هييييح بقى كنت بتلاكمى المز النهارده يا بختك
سعلت نور بشده فانتبه لها حازم الذى كان يتناول طعامه مع معتز وقام من مكانه ووضع يده على ظهرها وناولها كوب الماء
حازم بقلق ..مالك يا قلبى فى ايه اشربي
فغرت شذا وسحر فاهها من الصدمه
معتز بضحك ..اقفلى بقك انتى وهيا معنديش رش للحشرات علشان ادهلكوا
نظرت شذا وسحر فى الارض حرجا اما نور وجهها احمر بشده مما فعله حازم
حازم..انتى كويسه يا حبيبتى
نور بتلعثم وهيا تنظر للفتاتين..ااه اه كويسه
حازم..الحمد لله انا هروح مع معتز عايزه حاجه
نور بابتسامه..سلامتك
غادر حازم وعلى وجهه ابتسامه
شذا