چريمة عشق لمريم نصار الجزء الأول و الثاني

يا غشاش يا خاېن يا بتاع البنات رد..وقفل الفون.
.الله حلو قوي يا فريحه.. حلوه قوي.. انك تشكي فيا.. آدم ما عملش حاجه يا فريحه.. آدم قالك كلمتين..وحتى لو مكنش بيهزر. انتي صدقتي وانتى عارفه انى اكتر حاجه بكرها في حياتي.. هي الخيانه..
فريحه جواها مش مصدق انها عملت مشكله كبيره من فراغ.. ولكن هي كانت ضحېة هزار.. بس شافت انها غلطت لانها كدا مش بتثق في مرادها
آدم واقف بعيد ومتابع..
مريم ليه كده يا آدم بس
آدم مريم كويس ان ده حصل.. لازم فريحه يكون عندها ثقه في مراد اكتر من كده.. مراد بيحب فريحه من 18 سنه.. 18 سنه يا مريم.. مش مكالمه اللي هتهد الحب ده.. كويس ان حصل كده.. انا طبعا ماكنتش اقصد كل ده.. انا كنت عايز فريحه تزعل من مراد.. وانا اهتم بفريحه قدامه.. كان هيولع وساعتها يحس بالل هو بيعمله فيا.. لكن ما توقعتش ابدا.. ان فريحه هاتتهموا بالخيانه الكلمه في حد ذاتها كبيره ومش حلوه.. انا مانكرش اني زعلان من نفسي.. لكن رب ضرة نافعه
مريم تفتكر مراد هيسمعها ويسامحها.
آدم طبعا. ما دام اټخانقو وفتحوا مجال للكلام.. وكمان في طرف معترف بغلطه يبقى هيسامح. وإن مش سامحها انهردا.. بكره الفراق هيعلمو وهيسامحها باشتياق..الحب اللي بينهم مش هش قوي كده.. بانه يتهدم في لحظه.. وبص قدامه بزعل 
مريم ما لك يا آدم
آدم مافيش يا حبيبتي. انا هدخل مكتبي ويا ريت ما حدش يدخل عليا.
مريم شافت وعرفت كده ان آدم زعلان.. بس يا آدم
آدم عن اذنك ومشي وهو متدايق.. ومريم كمان زعلانه على آدم ومراد 
..لان الهزار الزايد. احيانا يقلب بجد
مراد اتفضلي علشان هاوصلك فريحه راحت وقفت قدامه..مراد لو سمحت 
مراد. ..
فريحه. مراد ارجوك. انت بتعمل كده ليه.. انا ضحيه يامراد.. ارجوك سامحني انا بثق فيك.. في فرق بين الثقه. والغيره انت عارف اني عمري ما شكيت فيك 
مراد بجد هي انك تتهمينى بالخيانه بتبرريها انك كنتي غيرانه.. هههههههه..يعني مش شاكه فيا. لا واضح. انك مش شاكه فيا. اصل الل بتغير دى بتقول لحبيبها خاېن وغشاش. لا وكمان كداب..
فريحه ارجوك يا مراد بقى. انا مش قادره اتكلم.. انا من الصبح في الشارع.. ارجوك والله انا من امبارح ما نمتش كويس.. ولفت ضهرها ليه.. انت امبارح لما حاولت وبوس ومكملتش الكلمه.. انا معرفتش انام. كنت في منافسه. مابين قلبى وعقلى. وما عرفتش اخد قرار ازعل منك.. ولا افرح..وفي الاخر قلبي اللي فاز على عقلي. علشان بيحبك.. وقررت اني ماازعلش رغم انك ما اتصلتش زي كل يوم.. والصبح قومت مصدعه وكملت بعياط.. وانا رايحه الكليه عمو يتصل عليا ويقولى ان مراد جنبه بنات.. وانك كمان قلتله انك موجود معايا
. وعمو آدم كلامه ثقه. انهي عقل يستوعب ها. انا مادخلتش الكليه عندى. رجعت من نص الطريق. انا كنت بلف زي المجنونه.. لدرجه اني رحت الكليه الحربيه وما قدرتش ادخل.. انا عارفه انك فى اجازتك انت وفهد. بس سعات بتروح انت وفهد. ومعرفتش بردو انت موجود ولا لا ! وبعدها فهد قالي انك مش في الكليه..
. وعيطت اكتر.. وكل شويه فونك مقفول.. ولما فتحت فونك جاتلي الرساله كنت في الشارع..وماهنش عليك تتصل عليا اول ما فتحت فونك.. وانا اتصلت عليك اكتر من مره وماردتش..
.لا انت دخلت تاخد شاور الاول. وبعدها تكلمني وحاطه ايديها على وشها وعيطت كتير.
مراد قلب واجعه على فريحه وشاف انها ضحيه فعلا.. وكمان لما شاف آدم مهتم بيها كان عايز يولع في البيت كله.. وحاسس انه فعلا مزودها مع ابوه..
.لكن بردو كلمه خاېن ۏجعاه قوي. وكمان كبرياؤه وكمان فريحه كل ده واجعه ومدايقه. طيب اعمل ايه ! اصالحها ولا اسيبها.! بس هي شافتنى ف لحظه خاېن وغشاش وكداب
فريحه حست ان كرامتها بتتهان. وانها اتأسفت كتير.. نزلت ايديها من ع وشها وقالت.. خلاص يا مراد انا قولت اللي حصل بالضبط..ولفت ليه وعيونها حمرا من العياط.. وبصت في عينيه انت لما بوستنى انا ما زعلتش منك يا مراد. مع انك عارف انه حرام..انا تخطيت مرحله الحب وتقبلت منك اي حاجه. والظاهر ده ضعف شخصيتي قدامك. لكن لا.. انا فريحه السيوفي.. بنت طارق السيوفي.. ورنا عزيز 
.و زي ما انت مش هتسامحنى وزعلان انى اتهمتك عن طريق الخطأ.. انا دلوقتى مش هسامحك من انك بوستنى عن طريق القصد لانك بوستنى برغبتك عن اذنك وسابته ومشيت..
مراد وصل لقمة غضبه من كلامها. هو باسها من عشقه ليها.. وكمان عمل كده لا اراديآ. وڠصب عنه دى مشاعر جواه ناحيتها جت ف لحظه. ومتصلش لانه كان محرج منها. وفاق.. ومش عارف يروح وراها يوصلها ولكن فضل واقف مكانه ومخڼوق جدا..
زين جه ونزل هو ولارين. وشافو فريحه وهي خارجه معيطه لارين وقفتها وفضلت تتكلم معاها وتهديها.. وفريحه مصممه تمشي.. وزين شاور ل مراد.. مراد. اداله اشاره انه يوصلها. وفعلا رينو وزين صمموا ان فريحه تركب مع زين.. وركبت في الاخر وزين هيوصلها.
ومراد فضل واقف مكانه ومش عارف يعمل ايه.. وايه المشكله اصلا.. وحصلت ازاي وليه.. وهي الغيره بتعمل كده.. واتحرك وهو مخڼوق جدآ.. وراح على العربيه وركب ومشي .
وآدم متابع كل ده من شباك مكتبه. وزعلان جدا.
لكن شاف ان في حاجه ايجابيه هتحصل.. وخطوه مهمه..
. ومش عايز اللي حصل أيام عاصم يتكرر تاني..
بقلمى Mariem Nasar
رينو دخلت الفيلا وقالت ل مريم انها اتغدت مع رودي.. ومريم اطمنت على رودي..وكمان اتكلمت شويه مع رينو.. لانها حاسه ان بنتها متغيره وتعبانه وزعلانه..
.. ورينو استاذنتها علشان تطلع تغير لبس المدرسه وتذاكر لان الامتحانات قربت.. وقالت لمريم ان المنهج اتجمع عليها.. ومافيش وقت وهتحاول تلم المنهج ف هتفضل اغلب الوقت في اوضتها تذاكر..
ومريم شجعتها انها تذاكر وتهتم بمستقبلها
ورينو طلعت اوضتها..و غيرت هدومها وقاعده سرحانه.. في الكلام والاهانه اللي وجهتها ل فهد تعبت كتير من التفكير وحاسه انها اهانت فهد في رجولته. هي اتفاجأت بنفسها وهي بتقول الكلام ده. وكمان مسابتلوش فرصه يتكلم. وكمان مكنتش تقصد انها بتكرهه. لا. دى بتحبه جدا. وزعلت لما افتكرت انها قالتله ونعم الرجوله يا فهد.. وكمان اعترافك بحبك تبله وتشرب مېته وانه يعاملها بحدود.. وأنه يبعد عنها 
ولكن اخيرا قالت. ده الصح اني ابعد عنه
بقلمى Mariem Nasar
طارق حبيبتي هي فريحه مالها.
رنا مش عارفه بس باين كده انها متخانقه مع مراد.
طارق طيب انا هدخللها..
رنا لا. انا كلمتها وقالتلي انها مخنوقه. ومش عايزه تتكلم مع حد.. هي هتهدى مع نفسها انت عارف ان المشاكل دي بتقيم العلاقه.
طارق انا مش عارف بيتخانقوا ليه يعني..
رنا يا راجل. مش عارفه.. هو انا وانت عمرنا. ما تخانقنا المهم فهد فين..!
طارق نعم هو مش موجود 
رنا لا هو جه حوالى الساعه ٢ ودخل مش طايق نفسه.. ودخل الاوضه وبعدها الليفنج وطلع من غير ولا كلمه..
طارق ازاي. وطلع الفون يتصل على فهد لكن فونه مغلق مره وعشره مغلق..فتح واتس.. ابنك مافتحش واتس من امبارح.. وكمان فونه مغلق..
رنا بقلق ابني فين يا طارق.!
فارس خرج من أوضته..ماما فهد انا بتصل عليه من الصبح ما بيردش ومن اكتر من ٣ ساعات مغلق طارق پخوف متداري. يمكن فصل يا بني.
فارس لا طبعا فهد معاه باور بانك.
رنا هي إجازته خلصت. يمكن رجع الكليه انت عارف نظام الحربيه.
طارق يارنا فهد لسه ف مخلصش إجازته هو ومراد. وكل حاجته موجوده.. اهدى كدا علشان اعرف افكر.
رنا خاڤت طيب اتصل على مراد او آدم شوف اشرف اخويا اتصل يا طارق على اي حد شوفه فهد فين
طارق بقلق حاضر. حاضر اهدي انتي بس..
طارق نبه على فارس انه يسال بطريقه غير مباشره على فهد علشان ما حدش يقلق ومش عايز شوشره.. وطارق وفارس كل واحد يتصل على حد من العيله ويسال. وكلهم قالو إن فهد مش موجود..
رنا اتصلت على مريم.. وان مريم قالتلها ان فهد كان هنا الساعه ١ الضهر. ووصل رينو عند صاحبتها. وروح على بيت طارق..
رنا قفلت وقامت من مكانها يعنى ايه. مش معقول يعني ابني منالساعه ١ عند مريم ووصل رينو ورجع الساعه ٢ على هنا وخرج.. ودلوقتى الساعه ٨ يعني ابني مش موجود ولا حد يعرف عنه حاجه ٦ ساعات.. وعيطت ابني.. ابني يا طارق هيروح فين..
طارق اهدى يا رنا. هيكون فين يعني..
فارس ممكن يكون في الجيم يا ماما ثواني هاتصل.
ب الجيم وفارس اتصل وقاله انه الاستاذ فهد ما جاش امبارح ولا النهارده..
.واتصل على صحابه قالوا ان كان في الكليه من بدرى واتمرن وخرج الساعه ١٢ الضهر...وكلهم في قلق..
وفريحه طلعت على صوت رنا وعياطها.. وعيطت كتير يا ترى انت فين يا فهد.
محمد الو..
نور الو..ازيك يا محمد..
محمد الحمد لله يا نورى عامله ايه يا قلبي.
نور الحمد لله. انت فين كده ما اتصلتش من الصبح.
محمد ڠصب عني يا حبيبتي طول اليوم في المستشفى..وكان في حاډثه على الطريق وجابوا المړيض على المستشفى
وكان محتاج لنقل ډم بسرعه وعمليه..ولسه خارج ما فيش نص ساعه..
نور والحاله عامله ايه دلوقتي.
محمد الحمد

لله تمام.. بس لسه ساعات الخطړ ما زالتش.. لكن متفائل خير ان شاء الله.. تعرفى وش المړيض مش باين خالص من الازاز اللي كان في وشه.. الناس الل جابوه قالو إن ازاز عربيته كله طار ف وشه.. ووشه كله متبهدل شاب صغير في العشرينات ربنا يشفيه يارب.
نور بزعل. ربنا معاه يا رب ويشفيه 
محمد يارب.. المهم انا عايز اشوفك بكره.
نور احم مش هينفع يا محمد..
محمد ليه بقى مش هينفع..
نور انا ما رحتش الجامعه من زمان. وغير كده مامي قالتلي من بكره هننزل علشان اشتري شويه حاجات لزوم الجهاز. ونخلص كل حاجه قبل شهر رمضان.. انت عارف بقى. مامي وبابي و احنا بنستنى شهر رمضان بفارغ الصبر.. ومش عايزين نضيعه في الحاجات دي 
محمد اممم اوكي.. خلاص انا بكره هاوصلك الجامعه..
نور بسعاده اوكي هستناك يامحمد
محمد عارفه لما بتقولي محمد دي..
نور ايه..
محمد قلبي بيدق. وببقى عايز . احم
نور عايز ايه..!
محمد بعد رمضان هاقولك.. المهم دلوقتى هتعملي ايه.!
نور ابدا هاقوم اصلي واحاول انام بدري علشان هصحى بدري.
محمد هتنامي دلوقتى.
نور ايوه الساعه ١٠ حلو قوي
محمد خلاص صلي وكلميني..
نور ليه بقى فى حاجه..
محمد هكلمك لحد ما تنامي واقفل.
نور اتكسفت وابتسمت. طيب وانت مش هتنام
محمد لا لسه شويه هاشوف الحاله واروح على ١٢ كده..
نور اوكي. وربنا معاك
محمد هتكلميني..
نور حاضر. هصلي وهاكلمك..
محمد نور
نور نعم يا محمد
محمد انا بعشقك 
بقلمى Mariem Nasar
العيله طبعا ملاحظتش حاجه من سؤال عيلة السيوفي على فهد..