چريمة عشق لمريم نصار الجزء الأول و الثاني

دراستهم.. لكن حياتهم الشخصيه كلها يأس ومتدمره ومليكه فى الأساس هي مش عارفه هي عايزه ايه. ورجعت للخروج والسهر مع صافي..
رودي من اخر مره.. اعترفت ل فارس بحبها فارس ما ردش عليها.. واحرجت ونزلت من العربيه وما تكلمتش.. وحست انها اتسرعت كالعاده.. لكن هي بتحب فارس بجد.. وعايزه حبها يخرج للنور. وشافت انها لما تعترف بحبها ل فارس.. انه هيحترم مشاعرها.. ويقدرها ويعترفلها.. لانها شايفه في عيون فارس حب ليها.. لكن فارس ماردش عليها. حتى بعدها بكام يوم متصلش عليها ولا مره 
ورودي اتكسرت من جواها.. وشافت انها لازم تركز في دراستها.. وبعدت عن فارس .
.. لكن فارس روح البيت وفكر كتير.. هو مش عايز يحب.. مش عايز يتعلق زى فهد ويتعب وشاف ان رودي شخصيتها مرحه.. وروحها حلوه.. بس مش حبيبته.. لا هو محبهاش وشايف انه يبعد عنها.. علشان هي فهمت الصداقه غلط..
. ولكن شهر واحد بس وفارس عرف قيمه رودي.
وراحلها اخر يوم في الامتحانات.. وكانت خارجه من المدرسه.. وشافت فارس قدامها.. وهي ووقفت متنحه وقلبها بيدق بسرعه لكن حاولت تسيطر على مشاعرها.. وتكبر بقى.. وقربت منه علشان تسلم عليه من باب الذوق بس وهتمشي لكن اتفاجئت بفارس.. رفع ورقه كبيره.. مطبوع عليها كلمة اسف . sorry . وقلب الورقه ليها.. انا اكتشفت اني ما اقدرش اعيش من غير مجنونتى الصغيره.. وكمان كاتب. فارس بيحب رودي..
ورودي شافت كل ده ومش مصدقه.. ورينو كانت واقفه وفرحت علشانها جدا 
..ورودي رجعت لجنانها من تاني.. وجريت على فارس واتشعلقت في رقبته زي الاطفال.. وتضحك بدموع واټجننت اكتر وباسته من خدو.. قدام كل الناس.. وفارس حس بشعور متلخبط لكن اللي اتاكد منه انه داب في عشق المجنونه الصغيره واستمر حبهم طول فترة ٣ سنين.. ومن غيرة رودي على فارس ضړبت بنت علشان كلمت فارس. وبتغير عليه من اي حد يتكلم معاه. وعرفت فارس على باباها.. وهو افتكر فارس على طول لانه انقذ بنته يوم العمليه.. ورحب بيه جدا..
. فارس خلص دراسته وبدرجه امتياز.. واتعيين سفير 
. ورودي. اتقدمت ل فارس وقالتله انها عيزا تتجوزه. وحددت الميعاد. الل يروح فيه البيت ويلبسها الخاتم. وسابته ومشيت من قبل مايرد. وضړب كف ع كف وضحك بذهول.. وفعلا. اشترالها الخاتم. وراح هو والعيله كلها وخطبها ف نفس اليوم الل هي حددته..
رودي نجحت. ورودي. دلوقتي في تالته طب اسنان
بقلمى Mariem Nasar
. يوسف طبعا عاش اجمل شهر عسل مع مريم في باريس وعوض مريم عن كل حاجه.. وعاملها بحب وجنون. ومريم اخدت عليه ومبقتش تتكسف من يوسف.. ورجعوا من السفر. وقعدت في الشقه حوالي خمس شهور.. واول ما عرف ان مريم حامل.. كان اسعد واحد في الدنيا.. واخدها ورجعو على فيلا عزيز. والكل اهتم ب مريم. وشيرين كانت فرحتها لا توصف.. وهنا. كانت حنينه على مريم.. زي ما شيرين كانت حنينه عليها.. ومستنيه حفيدها بفارغ الصبر.. والحمد لله الحمل تم على خير.. وربنا رزقهم.. ب كريم.. وكان الكل فرحان وطبعا هنا وشرين.. استلموا مهمت رعاية كريم.. علشان مريم تهتم.. بدراستها والحمد لله خلصت على خير هي ويوسف.. مريم دكتورة صيدله.. ويوسف مهندس اجهزه طبيه.. وكريم دلوقت عنده سنتين. وبيحب ومتعلق ب هنا واشرف جداااا وحسام وهدى مبسوطين جدا ولكن بيتمنوا ان زياد يرجع بقى
زياد طبعا بيعرف كل اخبار مريم. وهدى وحسام. من آدم والكل بيزن عليه انه يرجع بقى كفايه غربه.. وزياد بيتهرب منهم.. وكل شويه يقولهم انا مرتاح كده.. ولما هدى تضغط عليه يقولها قريب راجع يا امي
زين كتب كتابه على ريتال. مع فرح مراد وفريحه. وكمل دراسته وقرب من ريتال جدا وريتال شخصيتها اتغيرت جدا وبتغير علي زين بدرجه رهيبه.. لدرجه انه لما بيكون موجودين مع وفد.. هي اللي بترجم للستات.. وزين للرجاله.. ولوست وجهت كلامها ل زين تقولها ركزي معايا انا.. وبعد ماترجع المكتب مع زين تقعد ټعيط وتقوله هيخطفوك مني.. وزين يضحك عليها. ومبسوط من غيرتها. وبيحب ردود أفعالها..
. والحمد لله زين خلص دراسته.. واستلم على طول منصب رئيس مجلس اداره. في الشركه الأم. لتصدير الاجهزه الطبيه.. واتجوز بعد تخرجه باسبوع واحد وكان فرح جميل جدا.. وكل واحد غني للتاني ورودي غنت ل فارس واعترفت بحبها ليه قدام كل الناس..
..والكل كان مبسوط. وعدي الفرح على خير..
.. وزين اخد روتي على الشقه.. لكن ريتال تعبت زين جدا.. وجريت منه في كل الشقه.. ولما تعب قالها.. خلاص انا هاروح اشوفلى بنت بتحبني بجد..
.. ريتال جريت عليه.. وحضنته وهي اللي قربت منه.. وانتقلت ملكيه ريتال عزيز ل مدام ريتال العدوي.. وسافرو وقضو احلى شهر عسل.. وكانت معيشه 
زين في سعاده.. والحمد لله.. ريتال حامل والكل فرح جدا بالخبر ده.. وزين ساب الشقه ورجع عاش عند.. آدم ومريم.. وكان طايرين من الفرحه. ومريم اهتمت ب ريتال طول فتره الحمل وكمان كانت بټعيط كتير وتقوله انا بطنى كبيره يازين. اوعا تطلقنى.. انا مكنتش كدا. وزين طلع عينه ف انه يفهمها انها حامل.. وهو بيحبها فى كل الأحوال..وبردو بيحب طريقتها العفويه. وفرحو اكتر لما عرفوا. انها حامل في توام. ولد وبنت.. واختار الاسماء.. اريان وليليان. والحمد لله ريتال دلوقتي في الشهر التاسع.
مراد نزل اجازه اسبوع واحد.. علشان يحضر فرح محمد ونور.. وعاش الاسبوع ده مع فريحه بكل حب وضحك وجنون.. وكل يوم يبوسها علشان عارف انه في الكليه المره دي هيطول ومش هينزل اجازات كتير..
مراد كان عايز. ينرفز آدم اكتر.. وطلب منه انه يتجوز في شقه آدم ومريم.. علشان يدايق آدم.
وآدم اتعفرت. ورفض تماما. ومريم كانت موافقه وبتقنعه. ان مراد يتجوز في شقتها..
وآدم في اليوم ده. نكد على البيت وعلى اللي فيه. وقالها ان شقتي انا وانتي مفيش مخلوق هيقعد فيها. ولا يشارك ذكرياتنا فيها.. حتى لو ابني. وكان هيخاصم مريم. ومريم خاڤت وسكتت.
. ومراد قاله خلاص عايز الشقه الل على النيل. وفعلا آدم قدمهاله هديه علشان يسكت ويبعد عنه.
.والاسبوع خلص ومراد وفهد رجعو على الكليه.
. ومراد كان متحمس وركز في التدريبات ومشاء الله اهتم بلياقته اكتر وطلع مهمات واثبت وبجداره كفائته.. وانه هيكون ليه مستقبل.. لانه ذكي جدا والجهاز اختار مراد.. وانه هيستلم شغله في الجهاز بعد التخرج.. والحمد لله ال ٦ شهور عدو على خير ومراد تتخرج..وقرر انه يتجوز يوم ما يتخرج..
واتفق مع آدم وطارق.. انهم يجهزه كل حاجه وتكون مفاجاه ل فريحه
.وفعلا. اقنعو فريحه انها تروح تشتري الفستان. واختارت فستان جميل جدا.. واخدوها على السنتر. وهي مش فاهمه حاجه.. وقالولها تهتم ببشرتها.. وعملوا نفسكط فكره فرح مريم.. ولبست الفستان على اساس تقيسه وتشوفه هيبقى عامل ازاي يوم الفرح..
ورينو كانت على اتصال ب مراد.. اول مخلصت اتصلت على مراد. وقالتله ان فريحه في اللمسات الاخيره..
. ومراد لبس وجهز نفسه.. واخد بوكيه الورد.. ودخل السنتر. وفاجئ فريحه الل كان قلبها هيقف من الفرحه. وصړخت ظ واتنططت كتير بدموع..ومراد فتح ايديه الاتنين وهي جريت اتشعلقت في رقبته.. وعيطت كتير.. ومراد كان رفعها من على الارض. ونزلها ومسح دموعها.. وباس جبينها.. وكمان باسها من شفايفها بوسه رقيقه وسريعه.. وحضنها.. وعاكسها قدام الموجودين. واخدها على القاعه. وكانت فريحه مهيبره جدا. وكانت فرحانه اوووى. لانها مفاجاه غير متوقعه انها

هتتجوز انهردا. المفروض جوازها لسه بعد ١٥ يوم...وغنت ل مراد اكتر من مره.. وهو غنالها رومانسي. وشعبى وكان مهيبر اكتر منها وغنالها سوق البنات..سكر محلى عليه كريمه..
.وكان آدم ومريم طايرين من الفرحه.. وكمان مراد نزل من على الاستيدج.. وراح ل مريم وباس ايديها. ورأسها قدام كل الحضور.. وقال في المايك انا ربنا رزقني ب أحن أم وأب في الدنيا كلها. وحضن مريم اللي دموعها نازله في حضنه.. وحضن آدم اللي عيونه لمعت وربت على ضهر ابنه ب حنان اب 
وطبعا بيتر كان مبسوط.. وطارق كان مهيبر ف فرح بنته الوحيده 
. بيتر بارك ل آدم. وطارق.. وبيتر قدم التورته هديه فرح مراد وفريحه. وكانت ٧ ادوار..
. وطارق هيبر في فرح بنته. وكمان بيتر.. وطلعوا على الاستيدج هما الاتنين وىقصو قدام بعض. وشاور ل آدم اللي قاعد بيضحك عليهم..
. وبيتر اخد المايك..وا تكلم وقال ان ربنا رزقه بتوام اخوات.. وهما ادم العدوي. وطارق السيوفي. وانهم صحاب واخوات وعشرت 25 سنه. وان ربنا بيحبه علشان وقف آدم العدوى في طريقه.. واتقابل معاه.. وان لولا آدم مكانش ابنه ديف عايش. ودلوقتي خلص ماجستير في اداره الاعمال. لأن آدم انقذ ابنته من المت. وهو ابن ٦ سنين. وضحي بالترقيه بتاعته.. وانه لو كان عنده اخ حقيقي. مكانش عمل الل آدم عمله.. وكل الحضور مندمجين. ومتأثرين مع كلام بيتر. وكان طارق واقف جمبه. وآدم من كلام بيتر ابتسم. وقام وطلع وقف جمب صحابه.. وبيتر اتكلم بتركيز. وعبر عن مدى حب بيتر ل آدم والمچنون طارق.. وطارق قال انتو هتقلبوها دراما.. والكل ضحك على طارق.. وطارق جاب اتنين مايك.. وعطا ل آدم مايك.. وادم مستغرب.. وطارق اخد مايك.. وبيتر كان معاه مايك.. وقفه التلاته على الاستيدج. وآدم خاېف من جنون طارق.. وفعلا قد كان .
. وطارق قال دقي يا مزيكا.. والتلاته غنوا اغنيه اتنين بس احنا واحد.. وآدم ف الاول كان محرج. لكن اندمج مع بيتر وطارق وغنوا التلاته مع بعض. وحسو انهم صغره 20 سنه..
..ومريم اللي كانت عينيها بتضحك قبل قلبها.. وكانت فخوره ب آدم. ومن الكلام اللي قالوا بيتر.. ومريم ضحكت من قلبها. وسقفت..
. وكانت رينو جميله اوى اوى. وفرحانه قوي.. وغنت في فرح مراد.. والله اعلم بقلب الفهد 
. محمد. كان محاوط نور. وماخليهاش تقوم من جمبه علشان الحمل.. وكان مهتم بيها جدا.. والفرح عدي على خير وكان فرح مميز ومراد اخد فريحته علي شقته. الل ادم جابهاله هديه.
. واخدها وشالها.. واول ما دخل الشقه. حضڼ فريحه بكل حب. وشالها وډخلها اوضتها.. وكان مراد الرومانسي.. اما مراد المچنون مكانش موجود. وحاول يقرب من فريحه. لكن فريحه قالتله نصلي الاول.. وفعلا صلوا وقال الدعاء. وقرب من فريحه تانى.. الل كان بيتعامل معاها بكل حب وحنيه.. وفريحه استجابت معاه بسرعه.. من عشقها ل مرادها..
. وبعد فتره الحمد لله تمت نقل ملكيه فريحه السيوفي لمدام فريحه العدوي.. وكانت حاسه انها في حلم لانها مش مصدقه.. انها خلاص اصبحت فريحه مراد العدوي ومراد رفض يسافر شهر عسل.. وقرر يقضيه في شقته.. وكمان طلب من مريم ورنا.. انهم كل يوم يبعتو الغدا والعشا.. لان فريحه مش هتطبخ طول الشهر ومش