چريمة عشق لمريم نصار الجزء الأول و الثاني

هنقعد شويه فوق ولو مش واثقه فيا خلاص تقدري تقعدي معايا في العربيه.
نرمين هشام يا ريت تخلينا اصحاب وبس.. وانسى كل الكلام اللي قولتهولك زمان.
هشام بزعل يعني ايه. يعني انتي نيستيتي.
. نسيتي هشام يا نرمين .. هشام اللي كنتي بتقوليله ابيع الدنيا علشانك. ولا انا بقى علشان عملت حاډثه وغيبت عنك نسيتيني.
نرمين شافت هشام زعلان. لا مش كده لكن.. لكن ..
هشام لا الموضوع كبير. اتفضلي تعالى نطلع ونتكلم وبعدها ناخد قرار.. يعني انا بدور عليكي من شهور. واسال عليكي. وفي الاخر انتي تقولي خلينا اصحاب يا نرمين..
نرمين احم 
هشام ممكن تتفضلي لان شكلي بقى وحش قوي. واحنا مش مراهقين. وبعدين في حاجات كتير قوي اتغيرت في الل٣ سنين اللي فاتو وعايزه افضفض معاكي ممكن. ولا هتحسسيني اني غلطت اني دورت عليكي.
نرمين حاضر اتفضل.
هشام اتحرك واخد نرمين. وطلع بيها في الاسانسير وخرجوا ودخل الشقه اتفضلي يا نرمين.
نرمين دخلت پخوف وقعدت في الليفنج.
هشام قعد جنبها لكن بمسافه. تشربي ايه.
نرمين بسرعه. انا مش هشرب حاجه.
هشام هههههه ما تخافيش يا نرمين.
نرمين احم لا انا مش خاېفه من حاجه انا بس مش حابه اشرب حاجه ميرسي.
هشام عامله ايه يا نرمين.
نرمين كويسه الحمد لله وانت عامل ايه دلوقت.
هشام طلع سېجار وبيشربها وحط رجل على رجل. انا احسن. واحسن جدا كمان. لكن يعني انا قولتلك عملت حاډثه وسافرت ما اتاثرتيش ليه ولا حتى سالتي حاډثه ايه.
نرمين بلعت ريقها بتوتر. وافتكرت يوم ماهي وعلا لكن انكرت. علشان ابوه راجل خطېر. وفاقت وقالت احم انا سالت عليك في الجامعه علا وماهي. 
وقالولي سافر وانت اختفيت قولت يبقى فعلا سافر.
.. لكن حاډثه دي ماعرفش وانت عملت حاډثه ايه حصل معاك حاجه.
هشام افتكر وغمض عينيه وفتحها بغل.. لا ابدا. دي حاډثه قديمه طلع عليا بلطجيه وسرقوني. وبصلها وانا ما سكتش هجمت عليهم وضربتهم لكنهم كانوا كتير وانتي عارفه بقى الكثره تغلب الشجاعه..وحصل ضړب بينا كتير. وسابوني ومشيوا وبعدها بقى سافرت بره قولت السفر احسن. لكن انا ما نسيتكيش ابدا. بس ما كانش معايا رقمك. لانهم سرقوا فوني.
نرمين هزت راسها. حمد لله على السلامه. ماقولتليش انت سالت عليا مين وعرفت مكاني ازاي.
هشام اتلخبط. ها.. اه. رحت الجامعه وسالت عليكي هناك وتخيلى قابلت مين.
نرمين مين يا ترى. ومين لسه موجود في الجامعه يعرفني..
هشام الواد عزت. الل كان عينه منك فاكراه
نرمين ايوه لكن هو هيعرف مكاني ازاي.
هشام ايوه. احم ايوه. ما انا جايلك في الكلام اهو. انا لقيته بيشتغل فى الجامعه هناك. واحنا بندردش مع بعض. عرفت انه لسه بيفكر فيكي. وعارف عنك كل حاجه وهو الل قالي انك بتشتغلي في مستشفى النور.
نرمين هزت راسها. وجواها حست انها مبسوطه ان هشام كان بيدور عليها.
هشام بس انا شديت مع عزت واتخانقت معاه على فكره.
نرمين ليه !
هشام بص فى عينيها. علشان ما يفكرش في حاجه تخصني ابدا.
نرمين وشها بقى احمر.
هشام كبرتي وحلويتي قوي يا نرمين.
نرمين خاڤت وقامت. انا لازم امشي ممكن!
هشام قام ممكن طبعا. ثواني هاتي رقمك علشان اكلمك بالليل. ولا يانرمين في حد اخد مكاني.
نرمين لا يا هشام انا مبتكلمش مع حد.
هشام ابتسم بخبث. طيب يا قلبي. طمنتينى. خدي بقى الرقم وعطاها الرقم واخد رقمها. ووصلها لحد البيت..
..ونرمين روحت مبسوطه 
وخاېفه في نفس الوقت ..
زين ريتال.. ريتااال.
ريتال نعم يا زين.
زين فين القميص الابيض.
ريتال انهي واحد.
زين الل مطلعه من الدولاب امبارح وعلقته على الشماعه. علشان البسه النهارده. وانا بستقبل الوفد.
ريتال ماعرفش.
زين حاطط ايديه فى جنبه وغمض عينيه ورفع راسه للسقف ونفخ.. يا بنتي خلصي فين ام القميص. عندي ميتنج. وشغل الساعه ٥ انا كدا هتاخر.
ريتال راحت عند الدولاب. وطلعت قميص اسود. وبعدها بصت على زين ورجعت القميص تاني وطلعتله قميص كحلي وبصت على زين. ونفخت بديق ورجعت القميص تاني. وبتدور في القمصان 
زين انتي بتعملي ايه. فين القميص يا ريتال. انا مش عايز لعب عيال.
ريتال بصوت جهوري. مش هتلبس القميص الابيض يا زين.
زين نعم !!! ليه بقى ان شاء الله.
ريتال اهو كده مش هتلبسه وخلاص.
زين مسح وشه بايديه. وابتسم بنفاذ صبر.. ممكن اعرف السبب حضرتك.. داا بعد اذنك طبعا !!
ريتال وانت عايز تلبس القميص الابيض ليه ها !! وعايز تلبس الاسود والكحلي ليه.! بص مش هتلبس القمصان دي وانت رايح تقابل الوفد. او عشا عمل. البس بدله عاديه. لا لأ. البس قميص وبنطلون. يووووه برده لا.
زين البس جلابيه يا ريتال واروح اقابل بيها الوفد.
ريتال ربعت ايديها وبصت بعيد.
زين لا حول ولا قوه الا بالله. ريتال. انا مش عايز صوتي يعلى. انا لحد دلوقت مش فاهم حاجه. والقميص الابيض فين ! وفتحت الدولاب مش لاقي ولا قميص واحد ابيض. كلهم اختفوا مره واحده كده وانجزي بقى قدامي ساعه بالظبط واكون في المطار.
ريتال يسلام ومالك مستعجل كده ليه. وبتقرب منه وحشتني يا زيني.
زين بغيظ مكبت. وانتي كمان وحشتيني. فين بقى القميص الابيض يا روحي.
ريتال

حاوطت رقبته بايديها. وقربت منه باسته بحبك يا زين.
زين ابتسم بغل.. وانا كمان بمت فيكي. ام القميص فين بقى.
ريتال بتقرب من زين اكتر. لكن زين واقف ثابت. وفهم ريتال وانها مش عايزاه يقابل الوفد علشان الغيره الل عندها وزين بدا يتخنق. وشال ايديها من على رقبته وهى بتقرب منه.
زين ريتال انا اتاخرت.
ريتال خليك معايا.
زين بديق. استغفر الله العظيم. ريتال انا معاكى على طول. وف اي وقت. لكن دلوقتى وقت شغل مش هزار اخلصي فين القميص.
ريتال علت صوتها نوعا ما. مافيش قميص وشوف بقى هتروح الميتنج ازاي.
زين لاول مره يزعق بصوت عالى جدا. ريتال. انتى اتجننتى. الظاهر اني دلعتك كتير. واتفضلي. القميص يبقى قدامي حالا فاهمه.
ريتال اتخضت من صوته. وعيونها دمعت. وفتحت دولابها وجابت القمصان البيضا كلها.
زين قرب منها وشد منها واحد. وقالها الحركات دي تبطلي تعمليها فاهمه. وانا رايح شغل مش رايح العب. انتي حركاتك كلها بقت اوفر. وحاجه تخنق بجد. 
وكان صوته عالي جدا وريتال دموعها نزلت وزين عطاها ضهره وبيلبس القميص پغضب. وراح قدام التسريحه وشمر الكم ولبس وضبط نفسه ورش البرفان ولبس النضاره واخد الفون والمفاتيح وشنطة اللابتوب وخرج. وما تكلمش معاها وهو كان جواه متدايق منها لانها كده هتاخره على الشغل. وكمان مش واثقه فيه..
.. وهي كمان صعبان عليها نفسها. لان زين علا صوته عليها. وكمان سابها ونزل وهي بټعيط. ورمت نفسها على السرير وعيطت. وسمعت صوت عربيه زين اتحركت وعيطت اكتر..
فريحه نايمه وفونها بيرن. ورينو راجعه من الجامعه وسمعته. وخبطت لكن ما فيش رد وافتكرت فريحه في الحمام. ودخلت وشافت فريحه نايمه وفونها بيرن. وراحت تشوف مين المتصل..وكان رقم دولي. ولسه هترد وكانت المكالمه فصلت وزعلت اكيد ده ابيه مراد وراحت تصحى فريحه.
رينو فريحه. يا فريحه قومي.. وفكرت وقالت انا هتصل عليه واسلم عليه. وبعد كده احط الفون على ودن فريحه وابيه مراد هو الل يصحيها هتفرح اوى.. واتصلت على الرقم.
فهد قاعد بيلمع في السلاح.
مراد قال. فريحه مردتش. ممكن تكون نايمه.. انا هدخل اخد شاور. وبعد شويه كدا اتصل تانى. واتحرك ودخل الحمام..
..والفون رن..
فهدولا مراد فريحه بتتصل. مراد مردش. وفهد قال لو ناديت عليك لبكره مش هترد. ارد انا عليها. ولا لأ !
رينو اوف. ايه ياابيه انت لسه متصل رحت فين يعني. رد بقى انت وحشنى اوى.
فهد الو 
رينو قلبها دق وقالت فهد.
فهد ساب السلاح من ايده وقام وهمس وهي مش سمعت.. رينو.. والاتنين سكته. وكل واحد فيهم بيسمع انفاس حبيبه وغمضو عينيهم.. فهد فتح عينيه وقلبه بيدق.. ازيك يا لارين.
رينو انا. انا وبلعت ريقها انا كويسه يا فهد.
انت عامل ايه.
فهد اتنهد. وقعد على طرف المكتب انا كويس.
رينو يا رب دايما.
فهد يارب ديما تكلميني ولا يا رب دايما كويس.
رينو اتلخبطت.. احم انا انا وحست ان الكلام اختفى.
فهد بعفويه انا رديت لاني فكرتك فريحه.
رينو زعلت لانها فكرت انه اتدايق انه سمع صوتها.. وقالت بزعل انا اسفه. انا سمعت صوت فون فريحه. ودخلت وكانت نايمه ولما شوفت رقم دولي قولت اكيد ده ابيه مراد. مافكرتش ان حضرتك الل بتتصل انا هصحي فريحه تكلمك.
فهد لاول مره ابتسم وضحك بصوته كله..
رينو سمعت صوت ضحكت فهد قلبها ضحك معاه.. وكمان هي محرومه من صوت الضحكه دى من سنين. لكن هي مش فاهمه فهد بيضحك على ايه.
فهد بيضحك. وكان مبسوط انه سمع صوتها واتكلمت بسرعه لانها زعلت منه.. وقالها يعني لازم تزعلي علشان تتكلمي واسمع صوتك.
رينو فهمت قصده. وڠصب عنها ابتسمت. لا ابدا انا فكرتك انك اتدايقت ان انا اللي اتصلت مش فريحه.
فهد احلى حاجه عملتها فريحه انها نايمه ومردتش دلوقت.
فهد شغلي كويس. كل حاجه تمام وانتي عامله ايه في الجامعه.
رينو بتنهيده. اال بتدوب قلب الفهد.
كويسه. خلاص الامتحانات الاسبوع اللي جاي.
فهد في اللاوعي. كبرتي يا رينو.
رينو سمعت اسم رينو. منه قلبها هيطلع من مكانه.
وفهد لعڼ نفسه لانه ما بيعرفش يتكلم قدامها او معاها. صوتها بيلخبطو. قصدي يعني كبرتى ورايحه رابعه طب ما شاء الله.
رينو ميرسي يا فهد..
فهد بتذاكري كويس.
رينو ايوه. بذاكر كويس.
فهد بتحذير.. في حد بيدايقك في الجامعه.
رينو اتنهدت بسعاده.
وفهد قلبه دق اكتر لما سمع التنهيده. لانه بيعشق اى حاجه من لارين.
رينو بسعاده. وحب. لا ما فيش حد بيدايقني يافهد.
فهد سمع اسمه بحب. غمض عينيه ونفسه يقولها وحشتينى. لكن سكتو بعدها. ومحدش عارف يتكلم كأن الكلام اتبخر. واكتفو بالسكوت. مش مهم الكلام المهم انهم مع بعض حاليا.. وفضلو شويه على كدا سرحانين.
ايه رائيكم مبسوطين انتو كدا صح ! اى خدمه
. فهد سمع حركة مراد. وانه هيخرج من الحمام..
فهد احم لارين. مراد خارج من الحمام اهو. ويا ريت لو تصحي بقى فريحه. لانه اتصل عليها وما ردتش.
رينه احم. حاضر.
فهد غمض عينيه. وعايز يقولها خلي بالك من نفسك. وعايز يبدا من تاني لكن رجع في كلامه. وقالها. انا هاقفل واتصل انا.
رينو ليه !
فهد فكر ومش عايز مراد يشوف مده المكالمه. وكل الوقت ده مع فهد ورينو بس. فهد علشان احنا مش بنحاسب على المكالمه.
مراد خرج وفهد قفل وحذف المكالمه. واتصل تاني. ورينو ردت وكانت صحت فريحه الل قامت بسرعه لما عرفت.. وفهد سلم على فريحه وبعدها مراد ادلسه هيتكلم مع فريحه 
وسأل فهد مين اللي اتصل.
فهد انا.
مراد اشمعنى.
فهد عارف ان مراد زكي. وقاله اختك رينو شافت اتصالك على فريحه. واتصلت وانت فى الحمام. وانا رديت والخط قطع وجت اتصل تاني عملت حذف بدل اتصال. واتصلت تانى وكلمت فريحه.
آدم