چريمة عشق لمريم نصار الجزء الأول و الثاني

نونو. نونو. وعايز يبوسها.. كلهم بصو لبعض ويضحكوا.
آدم قالهم.. ااااه لف وارجع تاني. شكلنا هنعيد من الاول.. وكلهم ضحكو كتير 
.. لكن زين. قاعد ساكت جمب ريتال وزعلان.
ريتال زين حبيبي مالك.
زين بصلها ومصدق. بقى انتي بتكرهينى يا ريتال.. وپتكرهي عيالك.
ريتال اټصدمت. انا.. انا بكرهك يا زين.. وكلهم مش فاهمين.
زين ايوه. انتي قولتي وانتي بتولدي انك بتكرهينى.. كلهم ابتسمو علشان عارفين وقت ۏجع الولاده اي كلام بيتقال..
ريتال لا والله يا زين.. ووطن صوتها علشان الموجودين. وهمست انا بحبك والله.
زين لا يا ريتال.. انا مصډوم فيكي. تقولي انا بكرهك.
ريتال بدموع قالت. زيني. ومردش عليها
مريم زين يا حبيبي. الست لما بتولد. ما بتبقاش في وعيها. وبعدين الله يكون في عونها. اسال مجرب.. وبصت ل آدم وابتسمت.. حبيبي بيحصل اكتر من كده.. وبعدين ريتال لو بتكرهك يعني هتجيب عيال شبهك ليه ها..
ريتال مسكت ايد زين وباستها بحب. حبيبي انا اسفه والله مااقصد.. انت عارف انت ايه بالنسبالي.
زين بصلها.. يعني انتى مش بتكرهيني.
ريتال علت صوتها بعفويه.. لا والله ابدا. ده انا بعشقك. وبحبك ده انت حبيبي وروحي. وزيني. وقلبي وو واتكسفت ووشها بقى احمر. وضغطت على شفايفها. لان الكل كان منسجم ومبتسم على تلقائيتها.. وغمضت عينيها وسكتت والكل ضحك
.. وزين. قدامهم كلهم. مسك ايدها وباسها
وانتي قلب الزين. وحبيبتي وروحي وام عيالي.. ربنا ما يحرمني منك يا قلبي..
ريتال بصوت مبحوح. ومكسوفه يعني انت مش زعلان مني.
زين وانا اقدر 
والكل..مبتسم وطارق.. هيييح بقى
نور انا عايزه اشوف اريان وليليان يا زين..
زين عيونى. بس كدا. وقام وشال. ليليان. ومحمد. شال اريان.
نورشالت ليليان. بسم الله ماشاء الله. جميله. اوى وصغيره. وباستها من خدها الناعم. يلا اكبرى بقى وهجبلك تمارا وتبقو اخوات على طول.
وبعدها. محمد قرب منها وشالت اريان. بسم الله الله اكبر. تبارك الخلاق. شبهك اوى يازين.
زين ايوه ما هو ابنى. هههههه. والكل ضحك
..الباب خبط وكانت سعاد.. جايبه غدا للكل.. واكل ل ريتال وشكروها..وباركت ل ريتال. ومريم خلت سعاد تشيل اريان وليليان. وسعاد شالتهم بحب. وقالت أنا بقى هبقى داده سعاد الل هتهتم بيكو ياحبايبى. وعقبال ماتفرحو بالدكتوره رينو يااارب.
آدم سأل على رينو. وقالت جت من الجامعه ونامت ولسه مصحيتش. ومتعرفش. ان ست ريتال ولدت بالسلامه.
آدم. ومريم. ربنا يستر. ومتقلبش علينا..
وبعدها. الكل اتغدى.. وادم كان شايل مريم على رجله ومريم شايله تيم وبتاكله. ومحمد بياكل نور في طبق واحد وبيمسحلها بقها ويشربها الميا.
.وفريحه كانت بتتمنى ان مراد يبقى موجود..
وآدم حس بيها وقالها مرات ابني تيجي اكلك بايدي.
فريحه ضحكت لا يا بابا ميرسي. حبيبي ربنا يخليك. وطارق. قال اقسم بالله محد يااكلك غيرى وضحكو عليه وطارق ااكل فريحه. وكانت مبسوطه
..وزين كان بياكل ريتال.. والكل بارك وهنا..
والكل روح بتصميم من زين. لان الوقت اتاخر ورينو كانت نايمه في اوضتها بعد الجامعه.. وماحستش بحاجه خالص. وزعلت من آدم ومريم. وزعقت وكانت عايزه تروح بالليل.. لكن زين قالها ان هما الصبح هيكونو عندها
في مكان ما قدام night club .نادي ليلي
..ايمن وصافي خارجين ومعاهم ماليكه واقفه قدام عربيتها.. وبتسلم على صافي.. وايمن واقف بعيد
صافي يا بت يا ماكي. ايمن ھيموت عليكي وبقالك اكثر من سنه بتحرجيه يا بت وافقي الواد هيتجنن عليكي.
مليكه اوف يا صافي.. انتي بتتكلمي كتير ليه..انا فيا اللي مكفيني.. انا بخرج معاكم بس علشان اتسلى. مش اتخطب واتجوز.. وبعدها مسكت راسها وعينيها 
زغللت.. ااه
صافي مالك ياماكي.
ماليكه مش عارفه.. حاسه ان عنيا مزغلله. وو.. وودايخه.. ومليكه بدات تدوخ..وحسيت انها مټخدره..بس يا..ااصافي اا..اانتي العصير ههههه باي اا..انا مر..و..حه..
صافي شاورت ل ايمن.
ايمن ها تمام ياصافى
صافي تمام قوي.. اهي ماليكه زي ما وعدتك فين بقى حقي.
ايمن حطيتلها كام حبايه.
صافي هي حبايه واحده. انت عارف هي مابتشربش حتى السېجاره عاملالى فيها بنت ناس قوي هو في واحده في تخرج وتسهر من غير شرب ولا سجاير يلا.. يلا هات حقي.
ايمن بس حبايه واحده. كدا هتبقى فايقه شويه
صافى ههههههه وده المطلوب علشان تعيش وغمزتله. هات بقى
ايمن. صح. انا عايزها كدا..وطلع ظرف وعينه على مليكه اللي بتحاول تفتح باب العربيه ومبتسمه ومبسوطه ومش عارفه تفتح الباب..
ايمن قرب منها واخدها من ايديها وهي بتضحك..
. وركبها عربيته وساق..وصل تحت العماره. وقال للبواب خد المفاتيح اقفل العربيه.. واخد ماليكه وطلع بيها على شقته.. وډخلها اوضه النوم
وشربها كاس.. وهي بتضحك وشربت.
انت مين هههههههه
ايمن بخبث. انا الل هتثبت ملكيتي ليكي الليله يا ماليكه.. وهعرفك مش ايمن اللي يترفض.. وقلع التيشيرت. وقرب من ماليكه علشان يثبت ملكيته..
ماليكه هههههههههه..
يتبع.
.جاسر اتصل على هنا.. وكان زعلان منها جدا.. علشان ما حدش اتصل عليه.. ولا عرف ان ريتال ولدت.. غير من آدم. بعد ما روح .. وآدم اعتذر منه وقاله انه ماتصلش على حد.. لانها جت فاجأه وانهم كانو لسه راجعين من الشركه.. وصالح جاسر.
.وجاسر عتب على هنا.. لانها اخته لكن هنا.. اعتذرت كتير.. واشرف كلم جاسر واعتذر منه. وجاسر خلاص ما بقاش زعلان.. وجاسر وملك هيروحوا بكره.. وملك قالتله ما يزعلش لان وقت الولاده ده ما حدش بيفكر الكل بيبقى متلخبط.. وقفل معاهم.. وقاعدين يتكلموا مع بعض..وقام اتعشوا.. وجاسر طلع ينام هو وملك.. وقال ل ملك هاشوف ماليكه واحصلك.. وراح على اوضه ماليكه.. كانت مقفوله وفتح ودخل لكن مليكه مش موجوده.. والساعه دلوقت 11 بالليل..وكان قلقان.. وخبط على مالك. وقاله.. ومالك اتخض هتكون راحت فين. وقام. جاسر اتصل علي مليكه.. وردت عليه. وقالت انها في عيد ميلاد صاحبتها..
وكانت ناسيه وصاحبتها زعلت منها وخرجت.. وجاسر زعقلها.. ومليكه مثلت بزعل واتاسفت كتير لابوها.. وقالها انتي فين وانا هاجي اجيبك. ماليكه قالتله انا هركب العربيه اهو جايه حالا.. وقفله وجاسر نزل قعد في الليفنج منتظر بنته.. واتصل عليها بعد ١٢ فونها مغلق.. وجاسر قلق اكتر. ومش عارف يعمل ايه. في بنته اللي مطلعه عينه.. وملك خاڤت من شكل جاسر.. وملك تعبت وحست بدوخه بسيطه.. لكن حاولت تكون كويسه.. وكانوا قاعدين قلقانين.. وجاسر طلع يدور في اوضه مليكه. يمكن يلاقي رقم اي حد لكن ما فيش.. ومالك خرج وركب العربيه علشان يدور عليها
بقلمى Mariem Nasar
.. ايمن قلع التيشرت. وقرب من مليكه.
..ومليكه مټخدره.. لكن لما ايمن قرب منها
ماليكه بتشويش ف الرؤيه اا انت مين.. لا لا.. ابعد ومليكه بتزقه بايديها لكن ما فيش اي قوه.. اعصابها كلها سايبه.. وبتحاول تفوق..
ايمن قرب جمبها على السرير.. وبعدها افتكر انه قافل الكاميرا.. وقام وشغل الكاميرا.. ورجع تاني ل ماليكه.. وقلعها الجزمه ورماها..وهي في عالم تاني..وراح جمبها وبيشم في شعرها. والبرفان.
ايمن انتي حلوه قوي يا مليكه. انا بحبك وطلبتك للجواز. بس انت رفضتيني. اه مكانش هيبقى جواز رسمي.. بس رفضتيني.. وايمن ميترفضش يا مليكه.. انا البنات بتترمي تحت رجلي.. بس انتي مغروره. وانا هكسر غرورك ده.. وبعد اللي هاعمله فيكي.. هتجيلي هنا وڠصب عنك.. وهتيجيلي تبوسي على رجلي علشان ارحمك. وهذلك. هههههه وهافرجك على الفيديوهات اللي زعقتي ل صافي.. علشان

مابتتفرجيش على الحاجات دي.. ههههههه في حد ما بيتفرجش على الحاجات دي.. كان نفسي تبقي فايقه.. ونتفرج انا وانتي.. وبعدها اخد منك كل حاجه برضاكى بس مش مهم الل هاخدو منك النهارده ڠصب عنك. بكره هاخده. وبرده برضاكى يا ماليكه..وقرب منها وشم شعرها تاني. وماليكه بتغمض وتفتح وبتحاول تفوق.
مليكه ههههه. لاا..ا..انت ايمن..الا ابعد عني..
مليكه بتحاول تركز مين وبصت.. وقالت بابابي..وراح يضرب في ايمن
ايمن وقع ع الارض. اااااه.. انت مين ودخلت هنا ازاي..وقرب من ايمن بيضرب فيه وايمن ېصرخ.
ماليكا حاولت تقوم وتشوف مين اللي بيضرب.. وكانت بتتخبط يمين وشمال.. ودعكت عينيها وفتحتها وقالت.. مالك .
.. وكان بيضرب بغل السنين.. وايمن خلاص مبقاش نافع نفسه. وكسرله ضلوعه. ومسك دراعه واخد كام روسيه في راسه لحد ما ايمن اغمى عليه.
ولف ل ماليكه. اللي كانت هتقع وجري عليها ومسكها من دراعها. وهي مش قادره تتوازن وتتحرك.. وكانت هتقع تاني وراسها خبطت في صدره وهو مبيتكلمش 
مليكه بتفوق وفتحت عينيها. ورفعت راسها تشوف مالك.. وبصت وفتحت عينيها وحاول تركز..و اټصدمت صدممه عمرها ززز.. زياد.
زياد كاره ماليكا وبصلها بقرف. وضربها بالقلم وهو ماسكها 
.ومليكه مستحملتش القلم. واغمى عليها وهي واقفه قدامه وراسها مالت على صدره.
زياد شالها بين ايديه. ونزل بيها وفتح باب العربيه.. ونيمها على الكنبه الخلفيه. وساق بمهاره عاليه ووصل.. فيلا الصاوي.
.والكل كان قلقان. ومالك لما خرج يدور عليها ساب باب الفيلا مفتوح..وزياد وصل وفتح الباب وشال مليكه بين ايديه. ودخل بيها الفيلا..
.. وجاسر لمح واحد داخل. جاسر قام وقف واټصدم مين ده. وشاف بنته وقال. مليكه.!! جري عليها. مليكه. مليكه بنتي مالها. وبص ل زياد وبيشبه عليه جاسر وملك مش فاهمين 
ملك اټصدمت وشهقت. زياد 
جاسر بصدممه.. زياد .
زياد مردش علي حد.. ودخل ونيم مليكه على الكنبه.. وجاي يتعدل. كانت ايد مليكه ماسكه في الجاكيت زياد بعصبيه شال ايد مليكه واتعدل. ومشي من غير ولا كلمه .وركب عربيته وطار بيها يلف بيها من خنقته 
..تاني يوم الصبح. ماليكه فاقت. وحاسه ان راسها تقيله. ومش فاكره حاجه. وبصت حواليها.. اااه راسى. انا جيت هنا ازاي.. وحاولت تقوم لكن مكنتش قادره. وحاولت تفتكر ايه اللي حصل.. وافتكرت اخر حاجه انها كانت في النادى الليلي. وشربت عصير بعد ما كلمت ابوها. وقالت لصافي انها هتمشي.. اااه راسي اااه. وبتدور ع مسكن في درج الكومود..
..الباب اتفتح عليها بقوه وكانت ملك.. اللي منمتش من امبارح من الۏجع والصداع.. وقلبها اللي ۏاجعها من تصرفات بنتها..
مليكه مامي خير.
ملك اول مره تزعق. وصوتها كان عالى.. انتي كنتي فين امبارح يا مليكه.
مليكه ايه يا مامي وطي صوتك. راسي مش مستحمله.
ملك اوطى صوتي. وقربت منها ومسكتها من دراعها.. انتي ما حدش بقى مالي عينك. انتي خلاص حابلك ساب يا مليكه يا ريتني ما خلفتك.. يا ريتني ما شوفتك.. وزقت ماليكه من دراعها.. انتي ايه..!!! مش حاسه بحاجه خالص.. مش صعبان عليكي ابوكي الل الهم بان على وشه بسببك.. مش زعلانه عليا اني على طول مهمومه بسببك..مش صعبان عليكي اخوكي اللي اتدمر.. انتي ايييه.. اييييه عايشه لنفسك وبس.. عايشه ل مزاجك وبس انتي عايشه ازاي كده.! طايقه نفسك ازاي كده.!!
مليكه مش فاهمه حاجه.. ولا فاكره حاجه.. وبتحاول تفتكر هي روحت ازاي.. وامها بتزعقلها.. حست انها كانت بتحلم ب زياد.
.. وفاقت على دخول جاسر ومالك اللي صحيو على صوت ملك العالي..
جاسر دخل بسرعه على ملك اللي وشها احمر ودموعها نازله..
ملك انتي ايه يا شيخه.! انتي ما بتحسيش.! ناقصك ايه