رواية راسين في الحلال بقلم منال سالم

ليك مستقبل باهر 
آياز بنبرة متفائلة I hope so أتمنى ده 
اعتماد بنبرة جادة ان شاء الله خير 
ثم مدت يدها لتصافحه فنظر لها هو بإمتنان ومن ثم قام بجمع متعلقاته الخاصة وانصرف من غرفة المالتيميديا ... 
جلست الأستاذة إعتماد بصحبة المدراء وبدأت المناقشة الجادة لإختيار الأنسب لتلك الوظيفة الهامة ..
لم يكن الخيار سهلا على الإطلاق فهناك عدة معايير موضوعة لانتقاء من سيتعامل مع تلك السن الصغيرة والحرجة ولكن الأخطر هو أن يكون الاختيار هو ...
اعتماد بجدية آياز كامل الشناوي هو المناسب يا مستر أسامة 
أسامة بنظرات جدية ولهجة رسمية بس يا مس إعتماد حضرتك محتاجة مدرسة كي جي مش مدرس 
إعتماد بإصرار هو كان أفضل المتقدمين بالعكس كان أحسنهم 
سهى بنبرة هادئة بصراحة هو أبهرني عنده استايل في الشرح والتقديم 
رحاب بنبرة رسمية الأهم عندنا مصلحة الطفل وسلامته وتوفير مناخ ملائم للعملية التعليمية 
إعتماد بنبرة متحمسة أنا شايفة إنه هايكون أكتر حد حريص على ده 
سهى بقلق بس هو راجل وانتي يا مس إعتماد كل اللي عندك بنات وآآ...
إعتماد مقاطعة بجدية ده مش مشكلة بالنسبالي طالما عنده رؤية ماشية مع فكر المدرسة يبقى ليه لأ ليه مايخدش فرصة ويثبت نفسه 
أسامة بلهجة جادة للغاية أظن إن لو وافقنا على تعيينه هنلاقي إعتراض كبير من أولياء الأمور اللي متعودين على إن ال Teacher في الكي جي واحدة مش واحد 
إعتماد بحماس ولي الأمر بيعترض على أي حاجة جديدة طالما معندوش فكرة عنها لكن لو هو جرب وشاف بنفسه إن اختيارنا موفق ساعتها هيشكرنا على اللي عملناه
أسامة بعدم اقتناع بصراحة أنا مش مرحب بالفكرة دي هو ممتاز بس غير مناسب للمرحلة العمرية دي 
إعتماد بنبرة جادة تحمل الإصرار مستر أسامة إحنا متعودين من حضرتك على تشجيع أي فكر جديد ودايما حضرتك بتطلب مننا إننا Think out of the box نفكر برا الصندوق نخرج عن المألوف وده اللي أنا بأعمله وصدقني وجود مستر آياز هايعمل فارق كبير معانا 
لم
تكف الأستاذة إعتماد عن إقناع الجميع بآياز وبعد نقاش حاد وجاد استمر لما يقرب الساعة تم حسم القرار ب ....
أسامة وهو يتنهد في إرهاق على مسؤليتك يا مس إعتماد هيتم تعيين مستر آياز الشناوي مدرس كي جي بلغيه بقبولنا ليه 
ارتسمت ابتسامة واسعة على ثغرها وشعرت أن الدموية عادت إليها بعد ذلك الجدال المرهق و..
إعتماد بنبرة متحمسة شكرا ليك يا مستر أسامة وإن شاء الله تتأكد من رؤيتي 
أسامة بنبرة هادئة إن شاء الله ..
............................
في معرض عليوه للسيارات 
ظل آياز يجوب غرفة مكتب ابن خالته رامي في توتر شديد إلى أن ضجر الأخير من حركته الزائدة فتشدق ب ..
رامي بإنزعاج ونظرات قوية ارحم خالتي العيانة كفاية برم حولتني 
آياز بقلق بالغ اوووف الله يا رامي هاموت وأعرف إيه النتيجة 
رامي بعد اكتراث باينة زي الشمس أكيد مش هتاخدها يعني 
آياز بحدة يا عم متقولش كده أنا واثق إني آآآ...
قطع حوارهما صوت رنين هاتف آياز المحمول الذي تسمر في مكانه لثانية ثم ركض في اتجاه المكتب ومد يده ليمسك به ثم ضغط سريعا على زر الإيجاب بعد أن رأى رقم مدارس اللافانيا على شاشته و...
آياز هاتفيا بتلهف الووو .. أيوه .. ها 
حدق رامي في وجه آياز بعد أن نهض عن مقعده محاولا أن يستشف من تعبيراته ما الذي يدور ولكن كان آياز جامد التعبيرات ثابت الإنفعالات .. 
لحظات وانتهى آياز من المكالمة فدار رامي حول المكتب ووقف قبالته و...
رامي بفضول شديد ها إيه الأخبار 
أطرق آياز رأسه للأسف في حزن ثم أخفض عينيه في ضيق زائف فشعر رامي بإنقباضه في صدره و..
رامي وهو يلوي فمه في تهكم أنا كنت متوقع ده و على رأي سعد زغلول مافيش فايدة ارتسمت إبتسامة عريضة على وجه آياز ورفع رأسه للأعلى وحدق مباشرة في وجه رامي وأمسك به من ذراعيه و
آياز بنبرة عالية مليئة بالسعادة أنا اتقبلت يا رامي 
رامي ببلاهة هاه 
آياز بنبرة متحمسة للغاية خلاص بقيت مدرس كي جي
يتبع الجديد
الفصل السادس 
أصر رامي على الاحتفال مع ابن خالته آياز في أحد المقاهي الذي تم افتتاحه مؤخرا ورغم عدم اقتناع الأول بتلك الوظيفة الدنيوية من وجهة نظره إلا أنه لم يرد أن يظهر هذا له وفضل أن يستمتعا بوقتهما معا .. 
في نفس التوقيت اتفقت آنسات مدرسة اللافانيا الدولية على قضاء الأمسية في نفس ذلك المقهى الحديث بعد أن اقترحت منة عليهن هذا قبل انصرافهن من المدرسة .. 
..............
في فيلا سرحان عليوه 
وقف آياز أمام المرآة يتأمل هيئته بعد أن انتهى من ارتداء كامل ثيابه حيث فضل أن يرتدي بنطالا من الجينز ذي اللون الأزرق الداكن ومن الأعلى تي شيرتا من اللون الأبيض ذو ياقة مثلثة أظهرت جزءا من قلادته التي يرتديها حول عنقه .. رفع هو يده على رأسه ليمرر أصابعه في شعره الناعم ثم مد يده الأخرى ليمسك بقنينة العطر ومن ثم نثرها على ملابسه .. 
سمع هو صوت طرقات على باب غرفته فاستدار برأسه ناحيته ثم تحدث بهدوء ب ...
آياز بهدوء رخيم ادخل 
أطلت وردة برأسها أولا من باب الغرفة ثم دفعته بقدمها لتدلف إلى الداخل وهي تحمل في يديها صينية مليئة بالطعام الغريب .. 
رمقها آياز بنظرات استغراب بينما حدقت هي به بنظراتها الوالهة قبل أن تتشدق ب ...
وردة بحماس عملتلك أكلة معتبرة يا سي أزاز حاجة ترم بها عضمك 
أخذ هو يستنشق بأنفه تلك الرائحة الغريبة والنفاذة والتي أثارت حفيظته بدرجة كبيرة و...
آياز وهو يلوي فمه في تأفف What is this ماهذا 
أسندت هي الصينية على المكتب الموجود بالغرفة ثم كشفت الغطاء عنها و...
وردة بنبرة متلهفة ده فضلت خيرك شوربة كوارع بالبهاريز إنما إييييه حكاية وربنا لهتاكل صوابعك وراه
آياز وهو يلوي فمه في عدم فهم ايه يعني ايه ده 
وردة بإبتسامة بلهاء دي رجلين العجل النبي حارسك وصاينك
آياز بنبرة تحمل التأفف يييع رجلين ..!! يعني سايبة العجل كله وجاية تجيبلي رجليه أكلها 
وردة غامزة وبنبرة واثقة دول اللي فيهم الخلاصة يا سي أزاز
آياز بإنزعاج وهو يشير بإصبعه فلاور لمي القرف ده كله وخديه برا أنا مش ناقص قلبان معدة 
وردة بضيق زائف ليه بس يا سي أزاز ده أني عملهولك مخصوص ...
ثم صمتت لثانية قبل أن تردف ب ....
وردة بنبرة متشوقة ونظرات متسعة ده أني حتى وصيت الجزار يجيبلك كوارع طازة عشان تاخد فايدتها كده وآآ.. وآآ... هههههههه ما أنت فاهم بقى 
آياز بحيرة ونظرات ضيقة فاهم ايه بالظبط فلاور .. بقولك ايه أنا مودي حلو ومش ناقص حد يعكنني فبليز ابعدي عني ولا أقولك I will leave أنا ماشي 
ثم تركها آياز وانصرف إلى خارج غرفته في حين تسمرت هي في مكانها وأطرقت
رأسها للأسفل لتنظر إلى الصينية بنظرات حزينة و...
وردة وهي تلوي شفتيها في ضيق واضح يا خسارة تعبي وشقايا ووقفتي على رجلي عشان أعمله ده كله .. مالوش نصيب أشربها أنا
ثم مدت كلتا يديها وأمسكت بالصحن المليء بحساء الكوارع وتجرعته على فم واحد و...
وردة بتنهيدة إرتياح يا سلام شوربة متينة .. خسارة إنه مشربهاش ..!!
..................................
بالقرب من أحد المقاهي الشهيرة وقفت عاليا على قارعة الطريق وهي تضع هاتفها المحمول على أذنها و...
عاليا هاتفيا بنبرة شبه متعصبة انتو فين 
ريمان هاتفيا بهدوء جايين على طول 
عاليا بنبرة متشنجة وده ينفع مش احنا متفقين نتقابل على الساعة 7 أنا جاية من أخر الدنيا وانتو لسه في الطريق 
ريمان هاتفيا بنبرة عادية الدنيا زحمة مۏت وأنا على أد ما بقدر بحاول أدور على شوارع فاضية عشان أجيلك 
عاليا وهي تزفر في ضيق والبنات فين 
ريمان بنبرة طبيعية أنا معايا سارة وليلة وهناء وسالي ومنة 
عاليا متسائلة بجدية طب وبقية المجموعة 
ريمان بنبرة متريثة نشوى ورانيا مش جايين وهبة هتخلص الكورس اللي عندها وتحصلنا وناديا مردتش عليا وفريال اعتذرت 
عاليا بنبرة جادة طيب وميادة وسحر وجانيت وأية 
ريمان بصوت هاديء ميادة هاتجيب باقي البنات وتحصلنا 
عاليا بإقتضاب وهي ترفع أحد حاجبيها طب انجزوا يالا 
ريمان مبتسمة ابتسامة سخيفة طيب .. باي عشان أعرف أركز 
عاليا بإيجاز ماشي وأنا هادخل استناكو جوا 
ريمان بنبرة خاڤتة اوكي .. باي 
أنهت عاليا المكالمة ثم التفتت برأسها للجانب لتضع الهاتف في حقيبتها وهي تعبر الطريق فلم تنتبه إلى تلك السيارة القادمة في اتجاهها وفجأة سمعت صوت مكابح السيارة ينطلق عاليا فتوقفت في مكانها فزعة وحدقت أمامها في ړعب .. 
...........
في نفس التوقيت كان رامي يتحدث مع آياز حول سباق السيارات المنعقد في مطلع الأسبوع المقبل وانتبه لتلك الفتاة التي تقطع الطريق عليه وهي غير منتبهة لحركة المرور فضغط بكل قوة على مكابح السيارة وأمسك بالمقود بكلتا يديه ونجح في ايقاف سيارته و...
رامي بضيق شديد يخربيت الغباء اتعمت دي عشان تمشي بضهرها من غير ما تبص 
آياز بقلق كويس انك لحقت تفرمل 
سمع كلاهما صوت الفتاة تصرخ بنبرة عالية فيهما وتطلق بعض السباب فانزعج رامي من طريقتها الفظة لذا صر على أسنانه من الحنق و....
رامي بنبرة متوعدة أنا نازل أديها كلمتين يفوقوها 
آياز بهدوء خلاص مافيش داعي 
رامي بتذمر أبدا والله ما هيحصل 
ترجل هو منها واتجه ناحية الفتاة الواقفة أمام مقدمة السيارة ولكن اعترته الدهشة حينما وجد أنها نفس الفتاة التي إلتقاها أمام المدرسة فاعتلى ثغره ابتسامة عريضة وتأمل هيئتها الرقيقة وجاب سريعا ببصره كنزتها الوردية الواسعة التي تصل إلى ما بعد خصرها وبنطالها الأزرق السماوي الذي يتناسق مع لون
حجابها و...
رامي مبتسما وبنبرة متشوقة انتي مش معقول 
جحظت عيني عاليا في ذهول حينما رأت ذلك الغريب أمامها وظلت فاغرة شفتيها لبرهة غير مستوعبة ما تراه في حين استمر هو في رسم تلك الابتسامة المستفزة على وجهه و...
رامي بنبرة واثقة شوفتي الصدف الحلوة 
تنحنحت عاليا في حرج واعتدلت في وقفتها وضيقت عينيها لترمقه بنظرات حادة و...
عاليا بغيظ مش تفتح وانت سايق ولا خلاص مافيش حد ماشي في الشارع إلا أنت 
رامي بهدوء حذر طب ليه الغلط بس 
عاليا بتشنج عشان انت اللي سايق مش أنا المفروض تحترم الشارع اللي انت ماشي عليه أرواح الناس مش لعبة وآآآ...
رامي
مقاطعا بجدية وهو يشيح بكلتا يديه في وجهها ايييه في ايه لكل ده يا شيخة أنا غلطان إني مخلتش وش العربية ياخدك 
عاليا بحنق ونظرات مشټعلة نعم ..!!!!
رامي بضيق اوعي كده من قدام العربية خليني أغور من وشك ده 
كورت هي قبضة يدها في غيظ جلي وحدجته بنظرات ڼارية ثم ..
عاليا بنبرة صارمة خد عندك هنا انت ازاي تمشي قبل ما أخلص كلامي 
رامي باستغراب افندم !! هو لسه في كلام تاني بايخ عاوزة تقوليه 
عاليا بنبرة واثقة وجادة أه فيه ..
فتحت