رواية راسين في الحلال بقلم منال سالم

للجدية واحد مين 
ريمان بإقتضاب معرفش بس هو اتضايق أوي 
عاليا وهي تلوي شفتيها في تهكم يعني بعد ما سلختيه عاوزاه يضحكلك مثلا 
رفعت سارة كفي يدها في الهواء و...
سارة بلهجة آمرة ونظرات دقيقة أنا عاوزة أسمع انتي عملتي ايه قولي يالا وبالتفصيل الممل 
قربت ليلة مقعدها من الثلاث فتيات وجلست ملاصقة إلى ريمان و...
ليلة متسائلة بتوجس اوعي يكون الواد المز اللي أية قالتلنا عليه هو اللي اتسلق
ريمان بإنزعاج معرفش 
سارة بجدية ششش .. اسكتوا كلكم خلينا نعرف كل اللي حصل 
وبدأ صوت الهمهمات والهمسات الجانبية في الانتشار بينهن .. تابعت رانيا ما يحدث بين مجموعة الفتيات بنظرات حادة و...
رانيا بخفوت نووشة بيتهيألي الكل مشغول تعالي احنا نبص على المز 
نشوى مبتسمة في لؤم اوكي بس يا رب مايكونش مشى 
ثم نهضت كلتاهما عن مقعديهما فالتفتت سحر لهما و...
سحر متسائلة بنبرة عادية رايحين فين يا بنات 
رانيا بتلعثم آآآ.. ه.. هانعمل حاجة تتشرب 
مطت فريال ذراعيها في الهواء لكي تتمطع قليلا ثم أرخت جسدها المرهق و..
فريال بنبرة متعشمة طب بليز يا رووني اعمليلي نسكافيه معاكي 
رانيا بإيجاز طيب .. 
ثم أشارت لرفيقتها نشوى بعينيها لكي تسير معها إلى الخارج وبالفعل اتجهت كلتاهما إلى مكتب السكرتيرة أية ووقفتا في الخارج وقبل أن يحدقا في باب غرفة الأستاذة اعتماد تفاجئا بها تفتح الباب فتراجعتا للخلف وتملكهما التوتر .. 
حدجتهما الأستاذة إعتماد بنظرات متفحصة و...
اعتماد متسائلة بنبرة رسمية عاوزين حاجة يا بنات 
استدارت نشوى برأسها في
اتجاه رانيا وتبادلت كلتاهما النظرات الحائرة و...
نشوى بارتباك آآ... لأ 
رانيا بتلعثم أنا .. قصدي .. آآ.. احنا بنعمل مشروبات وآآ..
اعتماد بنبرة جادة وهي تشير بيدها من فضلكم خلصوا اللي وراكم مافيش وقت نضيعه اتفضلوا يالا 
نشوى وهي تتنحنح في حرج احم .. حاضر 
رانيا وهي تلوي فمها في انزعاج طيب 
ثم تأبطت كلتاهما في ذراع الأخرى وسارتا عائدتين إلى غرفة المعلمات 
...............................
في سيارة رامي 
قاد رامي سيارته عائدا إلى الفيلا التي يقطن بها مع عائلته وكان بين الحين والأخر يلتفت برأسه في اتجاه آياز ليرمقه بنظرات متفحصة لهيئته ولأكثر من مرة حاول أن يسيطر على نفسه كي لا يضحك على هيئة آياز في حين بدى الإنزعاج جليا على الأخير و...
آياز بحنق بص قدامك مش كل شوية هاتبص كده 
رامي بنبرة مرحة بصراحة ومن غير زعل شكلك مسخرة على الأخر 
آياز بوجه ممتعض ونبرة منفعلة خلاص بقى 
رامي متابعا بسخرية يعني ده بس اللي حصلك من أول مقابلة أومال لو شغلوك عندهم هترجعلنا بهدومك مقطعة 
آياز بنبرة شبه حادة رامي خلاص كفاية ده حصل بدون قصد فمافيش داعي تشتغلني كل شوية 
رامي مبتسما في مرح ماشي .. ماشي مش هاتكلم تاني ...!
استدار آياز برأسه في اتجاه النافذة وسلط بصره على الطريق وزفر لأكثر من مرة بتأفف وهو يتذكر ما حدث ثم ...
آياز لنفسه بجدية مش لازم أسمح لأي حد مهما كان يهزأني ولا يقلل من قيمتي ..!!!!
يتبع الجديد
الفصل الخامس 
اجتمعت الفتيات عقب انتهاء اليوم الدراسي في أحد الكافيهات العامة وبدأن ثرثرتهن المعتادة حول طبيعة العمل مع الأستاذة إعتماد وتحكماتها الغير مبررة و....
أية بنبرة ساخطة والله انتو ربنا بيحبكم إنكم مش أعدين معاها في مكتب واحد 
ميادة بلهجة شبه جادة يا بنتي دي أصلا مش تطاق أسلوبها وحش أوي 
هناء بحنق هو في حد أصلا بيحبها بجد أنا مش متخيلة إن في مديرة بالشكل البشع ده 
ليلة بهدوء على فكرة في أسوأ منها 
رانيا وهي تزم شفتيها في تأفف معتقدش 
عاليا بنبرة شبه حادة دي مش بني آدمة مافيش حد اتعامل معاها إلا وشتمها وقال كلام ژبالة عنها 
ميادة بجدية ده طبع فيها 
هناء بتنهيدة فين أيام مس دولت بجد كانت سكرة ولذيذة وبتحترم الكل 
ميادة وهي توميء برأسها إيماءة خفيفة اه فعلا .. كانت بتقدر ظروف أي واحدة 
سارة بنبرة متذمرة تحمل في طياتها التهكم جربي انتي بس تقولي لأبلتك اعتماد عاوزة أخد اذن يمكن تقيم عليكي الحد
هناء بضجر أعوذو بالله
عاليا بنفاذ صبر ربنا يهونها علينا ونخلص بقى
أية بنبرة ناعمة انتو عارفين لو كلنا عملنا ربطاية عليها ممكن تمشي 
ريمان وهي تعقد حاجبيها في عدم اقتناع معتقدش 
نشوى بعدم اكتراث هي أصلا متقدرش تعملنا حاجة 
رانيا بإنزعاج ماتفككم من السيرة دي وخلونا نشوف حاجة تانية أحسن 
أية مبتسمة في رقة حد شاف المز بتاع النهاردة 
رانيا بتذمر لأ ملحقتش 
نشوي وهي تلوي فمها في ضجر يدوب بس خدنا كلمتين في جنابنا 
وضعت أية يدها على شفتيها لتكتم ضحكاتها و..
أية ضاحكة ههههههههههههههههه أه شوفتكم كنتم مسخرة فعلا 
أمسكت ميادة بهاتفها المحمول وألقت نظرة سريعة على منشورات الفيس بوك الحديثة فرأت المنشور الخاص بالمديرة إعتماد و...
ميادة بنبرة جادة بصوا يا بنات دي منزلة بوست على الفيس بوك بتقول فيه محدش يغيب بكرة 
أية بهدوء أيوه صحيح ما أنا قولتلكم عشان مقابلات الوظيفة الجديدة 
عاليا بتذمر يادي الغلب يعني مافيش يوم يعدي علينا من غير ما نرتاح 
ريمان بعدم اكتراث عادي يا بنتي ما احنا واخدين على كده 
سارة وهي تزفر في ضيق أوووف .. بنات كفاية كلام في السيرة دي وخلونا نركز في اللي هانشربه ..
...........................................
في فيلا سرحان عليوه 
عاد كلا من رامي وآياز إلى الفيلا ولم يسلم الأخير من تعليقات رامي الساخرة وما زاد الطين بلة هو انضمام الخادمة وردة إليه في مزاحه و...
وردة ببلاهة عيني عليك يا سي أزاز كده تبقى موحوح من أول يوم ليك في أبصر ايه ده 
آياز بنبرة مغتاظة ونظرات حادة فلاور بليز Enough كفاية 
وضعت وردة إصبعيها على طرف ذقنها وظلت تحكها في حيرة و...
وردة بعدم فهم ونظرات حائرة عاوز تنف يعني أجيبلك منديل بس يا خويا مش هو اتكب على رجليك ولا مراخيرك مناخيرك أنف فهمني !!!
آياز بضجر يا ربي أنا مش هاخلص فلاور ابعدي عن نافوخي حلو كده .. مفهوم ! 
رامي مبتسما ابتسامة خفيفة خفي عليه يا وردة هو مش ناقص 
وردة بنبرة متحمسة أنا عاوزة بس أطمن انك كان هاتسيب علامة ولا آآ...
آياز مقاطعا بضجر أنا ماشي 
ثم سار مبتعدا عنهما فأسرع رامي في خلفه وأمسك به من ذراعه و...
رامي بجدية استنى يا إيزووو ما أنت عارف وردة وانا قايلك قبل كده إنها هبلة وآآ...
آياز بحنق رامي أنا محتاج أركز مش فايق لا لهزار ولا لتريقة مستقبلي كله متوقف
على مقابلة بكرة 
رامي بنبرة عادية ونظرات ثابتة أنا مش عاوزك تتعشم كتير معتقدش إن المديرة دي هترضى تشغلك 
آياز بإصرار أنا عاوز أوريها هي أو غيرها إني KG Teacher مؤهل مش بس كلام
تنهد رامي في ارهاق ثم أجفل عينيه قليلا ووضع إصبعيه فيهما بعد أن أغمضهما ليفركهما و...
رامي بنبرة هادئة بقولك ايه تعالى نخرج نغير جو
آياز بإيجاز ماليش مزاج وبعدين انا عاوز أستعد للانترفيو مقابلة 
رامي بإصرار طب تعالى أحكيلك على حاجة حصلت النهاردة قدام المدرسة بتاعتك دي 
ضيق آياز عينيه ورمقه بنظرات جادة و..
آياز متسائلا بفضول حاجة ايه دي 
ابتسم رامي لأنه قد استطاع أن يصرف تفكير ابن خالته عما حدث له وبدأ في سرد ذلك الموقف الغريب الذي حدث مع إحدى الفتيات أمام بوابة المدرسة فأعجب آياز بتصرف رامي الرجولي ثم تركه بعد ذلك واتجه ناحية الدرج ليصعد إلى غرفته الموجودة في الطابق العلوي ليبدل ثيابه ويستعد لتلك المقابلة التي ستحدد مصيره المستقبلي ... 
............................................
في صباح اليوم التالي 
في مبنى رياض الأطفال الملحق بمدارس اللافانيا الدولية 
تجمعت بعض المعلمات المتقدمات بطلب الإلتحاق بتلك الوظيفة وممن تنطبق عليهن الشروط في الاستقبال الملحق بالمبني من أجل حضور العرض التقديمي الخاص بكل واحدة منهن على حدا ...
..............
أوقفت عاليا سيارة الأجرة أمام بوابة المدرسة كالعادة وترجلت منها بعد أن دفعت الأجرة للسائق ثم استدارت برأسها في كل الاتجاهات لكي تبحث عن ذلك الغريب الذي وعدها بالقدوم اليوم من أجل أخذ ذلك المبلغ المالي الذي دفعه لها بالأمس ولكنها للأسف لم تجده .. فزمت شفتيها في ضيق و...
عاليا بتذمر يعني مجاش زي ما قالي ! طب أنا هاعمل ايه الوقتي مش معقول هافضل واقفة كده في الشارع أستناه ..
وقفت هي حائرة للحظة في مكانها محاولة التفكير في حل ما ورفعت يدها الممسكة بهاتفها المحمول لتنظر في شاشته فوجدت أن الوقت الخاص بالتوقيع بالحضور قد قارب على الإنتهاء لذا تشدقت ب ...
عاليا بضيق خلاص بقى أنا مش ناقصة أتكتب تأخير تاني 
ثم عدلت من وضعية حجابها الأزرق النيلي وقامت بجذب كنزتها البيضاء الطويلة للأسفل قليلا وسارت ناحية البوابة ...
............................
وصلت أيضا المعلمات اللاتي يعملن بالمدرسة إلى المبنى وجلست في الغرفة الخاصة بهن وبدأن الاستعداد لحضور تلك المقابلات التقييمية للمعلمات الجدد .. كذلك أكتمل حضور باقي المعلمات الغائبات بعد عودتهن من حضور تلك الدورة التدريبية الخاصة بطريق التقييم الحديثة وأيضا العائدات من رحلة المدرسة الترفيهية إلى مدينة رأس سدر .. ثم تسألن عن أخر المستجدات في المدرسة عامة وفي قسم رياض الأطفال خاصة و...
نشوى مبتسمة ابتسامة خفيفة حمدلله على السلامة يا مس جانيت 
اعتدلت جانيت حنا معلمة الموسيقى ومسئولة النشاط الطلابي في قسم رياض الأطفال في جلستها على المقعد الجلدي و...
جانيت بنبرة سعيدة الله يسلمك يا نووشا 
رانيا متسائلة بفضول اتبسطي يا مس جانيت في الرحلة 
جانيت بنبرة متحمسة اه أوي .. بصراحة كانوا عاملين بروجرام هايل 
فريال وهي تمط شفتيها في إعجاب كويس والله أول حد أسمعه 
جانيت بنبرة رقيقة بصي هو طبعا في حاجات كانت مش أد كده بس at least على الأقل معظم الحاجة كانت معقولة 
أسندت نادية معلمة اللغة الانجليزية ومسئولة تنسيق الأنشطة ذات الصفات الهادئة وملامح الوجه الطفولية حقيبتها الصغيرة على الطاولة ثم جلست على المقعد الشاغر و...
نادية بخفوت وهي تشير بيدها الحق يتقال هما هنا بيهتموا بالنشاط الترفيهي للمدرسين
جانيت بإيماءة خفيفة
أه جدا أنا سامعة انهم ناويين يعملوا رحلة تانية لبورتو السخنة 
فريال بجدية بس أكيد مش دلوقتي 
جانيت بنبرة عادية لالالا .. قدام شوية 
نادية وهي تمط شفتيها ممممم...
ثم دلفت إلى داخل الغرفة معلمة أخرى تمتاز بالشخصية المرحة والمحبة للحياة وقامت بنزع شالها الصيفي عن عنقها ثم ثبتت الدبوس المتواجد أعلى حجابها و...
هبة بنبرة عالية صباح الخير عليكم 
بادلتها معظم الموجودات التحية في حين إلتفتت لها
سارة و...
سارة بإبتسامة عريضة ناموسيتك كحلي يا هانم كل ده تأخير 
هبة بتنهيدة إرهاق هاعمل ايه بس كان ورايا حاجات أد كده امبارح ونمت على الفجر ومكونتش بصراحة قادرة أقوم ولا حتى أجي النهاردة 
سارة وهي تزم شفتيها الحمدلله إننا قولنا للأبونية ميعديش عليكي كان زمانا كلنا اتأخرنا 
هبة بنبرة شبه جادة طالما مردتيش عليكم يبقى تعرفوا إني في غيبوبة ومصحتش لسه 
سارة وهي تعيد رأسها للخلف أها 
..........................
فتحت منة رشوان معلمة اللغة الانجليزية وخريجة كلية