رواية راسين في الحلال بقلم منال سالم

مش في شغل ورانا !
أجابه على مضض قائلا 
ايوه بس أنا آآ....
قاطعه بنبرة صارمة ب
عاوزك تيجي المعرض على طول في حاجات عاوز أتكلم فيها معاك وإنت مكبر دماغك 
هز رأسه بخفه وهو يجيبه بإمتعاض
حاضر يا بابا أنا جاي !
ماشي مستنيك !
أوكي سلام !
ثم نفخ رامي بضيق بائن وهو يعيد وضع الهاتف في جيبه محدثا نفسه بإنزعاج 
صعب إن الواحد يتفاهم مع عقلية زي البشمهندس سرحان عليوه !....
في ردهة الإستقبال 
كانت ريمان في طريقها إلى قاعة الدراسة الخاصة ب بيبي كلاس وهي تغمغم مع نفسها بضيق 
عادي يا ريمو مافيش حاجة حصلت اهدي واتصرفي على طبيعتك مش نهاية العالم يعني إنه يعرف إني مش طايقاه ! ماهو ده الطبيعي بعد اسلوبه المستفز معايا ! 
رأتها هبة على حالتها تلك فضيقت ما بين حاجبيها وسألتها بإستغراب 
ايه يا بنتي إنتي ماشية تكلمي نفسك ولا ايه 
تنحنحت بخفوت وإبتسمت لها قائلة 
ماتخديش في بالك 
بادلتها الإبتسام وهي تقول 
ماشي يا ريمو !
ثم عبست ملامح وجهها قليلا لتضيف بجدية 
المهم أنا كنت عاوزة أقولك عن
حاجة كده 
قطبت جبينها بشدة بعد أن رأت تبدل ملامح هبة وتوجست خيفة من أن يكون هناك أمرا ما طارئا قد حدث فسألتها بفضول عجيب 
في قاعة الدراسة الخاصة بمرحلة بيبي كلاس 
وضع آياز يديه في وجاب بعينيه مساحة القاعة .. ثم مط فمه قليلا وسلط أنظاره على الطاولات الدائرية الصغيرة المتراصة على مقربة من بعضها البعض .. وحدث نفسه قائلا 
تمام أنا أقدر أستغل المساحة الفاضية اللي في ال Corner دي وأعمل فيها Fun Club for the kids .. ممم.. وممكن كمان آزود آآ...
قاطع تفكيره المتقطع صوت أنثوي متحمس بلكنة عجيبة 
Any help أي مساعدة 
إستدار آياز برأسه ناحية صاحبته ورمقها بنظرات متفحصة ثم أجابها بإيجاز 
No لا 
اقتربت منه رانيا وتابعت حديثها بصوت أكثر حماسة وهي ترمش بعينيها بطريقة بلهاء 
ليه بس كده ده أنا بأفهم والله مايغركش إني شكلي كده !
ثم أشارت إلى نفسها بإصبعها وأضافت بتفاخر 
أنا أستاذة لغة عربية أد الدنيا بس دماغي لاسعة شوية 
لم يجبها آياز وأشاح بوجهه بعيدا عنها ..
وقفت هي إلى جواره ونظرت حولها وهي تقول 
ماشاء الله الكلاس بتاعك واسع يعني هاتقدر تاخد راحتك فيه عارف بقية الكلاسات ضيقة وآآ..
ضيق آياز عينيه ليرمقها بنظرات إستهجان فإبتسمت له إبتسامة عريضة قائلة 
تلاقيك بتقول كلاسات دي ايه يعني فصل بس أنا بأجمعها جمع مؤنث سالم هههههههه ..!
ثم تنهدت بحرارة وهي مسبلة عينيها عليه .. فقد لعب الحظ لعبته أخيرا معها وأصبحت مساعدته لبعض الوقت .. لذا قررت أن تستغل الفرصة التي جاءتها على طبق من ذهب وتتقرب منه .. لعلها تظفر به في النهاية ... 
أغمض آياز عينيه للحظة ونفخ في ضيق محدثا نفسه بضجر 
واضح إنها Case حالة !
وصلت ريمان هي الأخرى إلى القاعة الدراسية وحاولت
أن تبدو هادئة في تصرفاتها مع آياز كي يمر اليوم بسلام ...
ولكنها إستشاطت ڠضبا حينما رأت رانيا أمامها .. خاصة بعدما عرفت من هبة عن المقلب المدبر لها .. فكزت على أسنانها بغل وإحتقنت
عينيها بصورة واضحة و......!!!
يتبع الجديد
الفصل التاسع عشر 
في القاعة الدراسية الخاصة بمرحلة بيبي كلاس 
تشنجت تعابير وجه ريمان بصورة واضحة وعضت على شفتيها من الغيظ ثم صاحت بصوت شبه محتد 
رانيا !
إلتفتت هي نحوها وكذلك آياز .. ثم ضيقت عينيها في إستغراب وهي تتسائل بتعجب 
في حاجة يا ريمان 
وقفت ريمان قبالتها وهتفت بحنق وهي محدقة بها 
اه في !
استغرب آياز من الحالة العصبية البادية على ملامحها ولكن لم يهتم للأمر و أثر عدم التدخل في حوارهما .. وتراجع في إتجاه مكتبه الموضوع في زاوية القاعة ..
حدجت رانيا ريمان بنظرات متحدية ووضعت يدها في منتصف خاصرتها وسألتها وهي تلوي شفتيها 
خير .. عاوزة ايه 
صرت الأخيرة على أسنانها بغل وهي تصيح بضيق 
ايه اللي عملتيه فيا ده 
رفع آياز وجهه للأعلى لينظر إلى ريمان بغموض .. ولعب الفضول دوره معه في إثارته لمعرفة ما يحدث بينهما ..
سألتها رانيا ببرود 
عملت ايه 
قبضت ريمان على ذراعها وكزت على أسنانها قائلة 
اعملي نفسك مش عارفة !
أزاحت رانيا يدها من عليها وسألتها بعدم فهم 
انتي بتكلمي عن ايه 
همست قائلة بعد أن لاحظت متابعة آياز لهما 
العصير وآياز ولا عاملة نفسك نسيتي !
قرأ آياز اسمه من على شفتي ريمان وبدأ يربط خيوط المسألة معا ... وخمن أن يكون خلافهما له علاقة بموضوع المقلب .. فهو القاسم المشترك بينهما ..
هزت رانيا رأسها بطريقة غير مبالية وأجابتها بفتور 
أها .. وأنا مالي بالموضوع ده 
إتسعت مقلتيها بشدة وهي تتابع بغيظ 
هبة قالتلي على كل حاجة 
قطبت رانيا جبينها بإندهاش مرددة 
هبة !
أومأت ريمان برأسها بقوة وهتفت بصوت شبه منفعل 
ايوه هي سمعتك بتتكلمي عن ده إنكري !
ردت عليها رانيا بنبرة حادة ب 
ايه الهبل اللي بتقوليه انا معملتش حاجة !
حدجتها ريمان بنظرات متوعدة وهي تضيف 
عامة أنا مش هاسيب حقي معاكي وآآ...
خلصتوا إنتو الاتنين !
انتبهت الإثنتين إلى صوت آياز شبه المنزعج الذي قاطعهما ونظرتا نحوه بينما تابع هو بصوته الآجش 
مشاكلكم الشخصية تحلوها برا لكن هنا you have to stick to the rules عليكما الإلتزام بالقوانين 
أطرقت رانيا رأسها للأسفل وتقوس فمها للجانب.. بينما حدجته ريمان بنظراتها المحتقنة ولم تتفوه بكلمة وغمغمت مع نفسها پغضب 
مش هاعدي اللي حصل ده !
نظرت رانيا إلى ريمان من طرف عينها وحدثت نفسها بتشفي 
ماهو المثل بيقول اعرف عدوك وعلم عليه وأنا هاعمل كده معاكي ! أل أسيبلك المز أل .. دي فيها رقاب !
أشار آياز بيده قائلا بجدية 
عاوزين نتفق على اللي هيتم داخل الكلاس
هتفت رانيا دون تردد وهي ترسم على ثغرها إبتسامة بلهاء 
أنا موجودة عشان أساعدك شوف إنت عاوز ايه مني 
هز رأسه بخفة ليقول بهدوء حذر 
تمام يا مس آآ...
هتفت
بحماس أشد وقد إتسعت إبتسامتها 
رانيا ومافيش داعي للتكليف إحنا زملا مع بعض 
رمقها هو بنظرات شبه ساخطة ولم يعقب .. ثم بهدوء سلط أنظاره على ريمان وسألها بإقتضاب 
وحضرتك يا مس Ready مستعدة 
ردت عليه ريمان بإيجاز وهي تبادله نظرات فاترة 
yes نعم 
اوكي .. !
.
عند مدخل مبنى الرياض 
كان الصمت هو سيد الموقف طوال طريق العودة بين عاليا وليلة .. إلى أن قطعته الأخيرة قائلة بجدية 
طب هانقول لمس إعتماد ايه 
ردت عليها عاليا بإختصار وهي محدقة أمامها 
معرفش !
سألتها ليلة مجددا ب 
يعني الممر هيتساب كده 
تنهدت بإنهاك وهي ترد قائلة 
اسأليها
وقفت ليلة في مواجهة رفيقتها ونظرت لها بتمعن وهي تسألها بإهتمام 
في ايه يا عاليا مالك 
أشاحت بوجهها للجانب وهي تجيبها بضجر بائن
ماليش أنا كويسة 
هزت ليلة رأسها معترضة وهي تضيف 
كويسة إزاي بس انتي أحوالك متغيرة من ساعة ما آآ...
قاطعتها عاليا وهي تشير بإصبعها محذرة 
لو هاتكلمي عن سيرة الشاب إياه يبقى بناقص 
زمت ليلة شفتيها لتقول بجدية 
ماهو مش طبيعي اللي بيحصل بينكم 
صاحت بها عاليا بنفاذ صبر 
مافيش بينا حاجة 
تسائلت ليلة بإستفهام وهي محدقة بها بتفرس 
أومال آآآ..
قاطعتها عاليا بصرامة وهي ترمقها بنظرات قوية وثابتة 
شوفي يا ليلة من الأخر كده ده واحد حصل بيني وبينه كام موقف كده صدفة وانتهوا مش حكاية عشان أعيد وأزيد فيها 
رفعت ليلة كفيها أمامها وابتلعت ريقها وهي تقول بتوجس 
أوكي .. خلاص بلاش بس تقفشي !
تقوس فم عاليا وهي تتابع ب 
لا بأقفش ولا غيره أنا عاوزة أركز في الشغل 
تمام .. تمام 
ثم أضافت بجدية وهي تشير بعينيها 
طب يالا نشوف هانعمل ايه في بقية
الديكور 
إبتسمت ليلة إبتسامة باهتة وهي تضيف 
نسأل سحر ممكن يكون عندها فكرة 
اوكي .. وأنا برضوه هسأل فريال هي ساعات بتعين حاجات تنفع ك Dicoration في وقت الزنقة 
حلو أوي !
.....
في ردهة الإستقبال 
وقفت ناظرة الرياض الأستاذة إعتماد في وسط الردهة وهي ممسكة بمفكرة ما في يدها وبيدها الأخرى كانت تشير إلى إحدى الزوايا قائلة بجدية 
البانر ده معوج محتاج يجي يمين شوية 
أومأت السكرتيرة أية برأسها وهي تجيبها بخفوت 
اوكي هاخلي الدادة تعدله 
ثم تلفتت الناظرة حولها وهي تتسأل بصوت متصلب 
فين الهدايا بتاعة الأطفال 
ردت عليها أية بهدوء تام 
محطوطين هناك 
مطت شفتيها قائلة بصوت جامد 
اوكي يبقى فاضل أشوف الكلاسز وأتأكد إن كل حاجة تمام 
أها
تحركت الإثنتين في إتجاه القاعات الدراسية للتأكد من إنتهاء تجهيزها ..
بعد برهة كان كل شيء قد أصبح جاهزا من أجل إستقبال الأطفال .. 
واستعد حارس البوابة الرئيسية لمبنى الرياض سيد لفتحها من أجل مرور الصغار للداخل والترحيب بهم في أول أيامهم الدراسية
..
دلف الصغار ومعهم أولياء أمورهم لداخل المدرسة ومروا عبر الممر الذي تم تزينه بالبالونات والشرائط اللامعة .. ووقفت بعض المعلمات على الجانبين لتقدم الحلوى والسكاكر لهم ..
كانت الإبتسامات السعيدة والممزوجة بضحكات آسرة للأطفال ټخطف قلوب الجميع ..
وتم إلتقاط العديد من الصور التذكارية لهم في أول لحظاتهم الدراسية .. 
كذلك تعالت أصوات الموسيقى الحماسية الخاصة بالأطفال بتضفي المزيد من السعادة والبهجة على الجميع ..
أخذ آياز نفسا عميقا وزفره على عجالة وبدى متوترا للغاية وهو يترقب وصول أول الأطفال للقاعة .. ورغم مهارته وخبرته وحرفيته مع الصغار بالخارج إلا أنه مازال يرتبك ويتوتر بشدة مع أول يوم دراسي ..
فمع مطلع كل عام يختبر قدراته مع الصغار ويحقق متعته برؤيتهم يكبرون ڼصب عينيه .. 
راقبته رانيا بنظرات والهة وظلت تطلق تنهيدات خاڤتة وتمتمت مع نفسها قائلة 
يا لهوي عليك وإنت تقيل وراسي .. آآآخ منك يا سلام لو تديني ريق حلو هناخد وندي سوا ونبقى حاجة ! 
تابعتها ريمان بنظرات متأففة ولوت شفتيها وهي تغمغم بخفوت 
أبرد بني آدمة قبلتها في حياتي تعمل كوارث وتدعي البراءة معندهاش إحساس !
نظرت لها رانيا بغموض متسائلة بإندهاش 
بتقولي حاجة يا ريمان 
أشاحت بوجهها بعيدا عنها بعد أن رمقتها بنظراتها المحتدة ثم أجابتها بإيجاز 
No لأ !
لمح آياز جموع الأطفال وبصحبتهم ذويهم وهم يقتربون من قاعته فأخذ نفسا عميقا وحپسه في صدره لوهلة .. ثم زفره على مهل .. ورسم على ثغره إبتسامة عريضة ..
إنتصبت رانيا في وقفتها واقتربت من آياز و صاحت بحماس ساخر 
نستعد بقى للتتار اللي جاي 
نظر لها آياز بإستغراب وردد عفويا 
تتار !
رفعت حاجبيها للأعلى وهي تجيبه مازحة 
أقصد الهكسوس يعني ده احنا هانشوف أيام عجب !
عبس وجهه وهو يسألها بحيرة 
نعم 
مطت شفتيها هامسة 
أصل انت متعرفش ده أوحش يوم في السنة كلها
نظر لها بإستغراب قائلا 
مش فاهمك
غمزت له وهي تقول بخفوت 
هاتعرف دلوقتي يا مستر !
نظرت ريمان إلى كليهما بضيق وعقدت ساعديها أمام صدرها وظلت تهز ساقيها بعصبية .. فالحوار الخاڤت بينهما يزعجها بشدة .. فشيطان نفسها وسوس لها بأنهما يعقدان اتفاقا ما حولها ..
لذا سلطت أنظارها الحادة عليهما أكثر وضغطت على أسنانها وهي تحدث نفسها قائلة 
يا ويلكم إنتو الاتنين لو عاملين رباطية عليا !
ولج أول الصغار إلى داخل القاعة ومعه والديه فهتفت الأم بعاطفة واضحة وهي تضع يدها على كتف إبنها 
يالا يا بودي ده الكلاس بتاعك
أردف آياز قائلا بإبتسامة خفيفة وهو