رواية راسين في الحلال بقلم منال سالم

قليلا بجسدها لتمسك بحقيبة حاسوبها النقال ولكنها تفاجئت بالسائق يجذب الحقيبة عنوة منها فانتفظت فزعا واتسعت عينيها في ذهول وفغرت في صدمة رهيبة و...
السائق بصوت غليظ لأ مش هاتمشي يا أبلة فلوسي الأول
عاليا بنبرة مصډومة ومتلعثمة انت .. آآ.. انت بتعمل ايه س .. سيب اللاب بتاعي 
وحاولت هي الأخرى جذب الحقيبة منه ..
تدخل رامي سريعا ووقف في مواجهة السائق وجذب الحقيبة منه فأخذتها عاليا وعلقتها على كتفها ثم حدجه بنظرات شرسة قبل أن يتشدق ب ...
رامي بنبرة قوية ومتشنجة في ايه يا اسطى انت هتمد ايدك على المدام ولا ايه 
تمعن السائق في هيئة رامي بنظرات قلقة وتوجس إلى حد ما خيفة منه خاصة وأن ملامحه توحي بأنه رجل عسكري أو ذو سلطة ما و..
السائق بنبرة أقل حدة أنا عاوز حقي يا أستاذ يعني يرضيك أجيبها من أخر الدنيا لحد هنا وتديني دول بس 
عاليا بنبرة محتجة ونظرات مغتاظة انت عاوز تسرقني وأسكتلك انت خدت حقك 
استدار رامي برأسه للخلف لينظر إليها بنظرات عادية قبل أن يشير لها بيده و..
رامي بهدوء ثواني بس يا مدام 
عاليا بضيق ونظرات ثابتة أنسة من فضلك 
رامي مبتسما ابتسامة خفيفة سوري 
السائق بنبرة متهكمة ده انتو لسه هتتعرفوا على بعض أنا عاوز فلوسي خلوني أمشي وأشوف مصالحي 
عاليا بنبرة معاندة وأنا مش هاديك إلا دول وبس واللي عندك اعمله 
السائق بصوت عالي وهو يلوح بيده والله ماهسيبك 
كاد السائق أن يتهور ويمد يده ناحية عاليا فتراجعت هي سريعا للخلف في توتر ولكن منعه رامي من الوصول إليها وسد عليه الطريق بجسده و..
رامي بنبرة متصلبة ونظرات حادة جرى ايه يا اسطى ! هو أنا مش مالي عينك ناوي تمد ايدك عليها وأنا واقف 
السائق بتوجس وهو يلوح بيده لأ يا باشا بس آآ..
عاليا مقاطعة بتذمر شديد ونظرات شبه خائڤة ده اللي ناقص طب يجرب بس وأنا هاكسرله إيده وهاجيبله الأمن يبهدله 
استدار رامي مجددا برأسه ناحيتها ورمقها بنظرات استغراب وسرح لوهلة في ملامحها التي توحي بالبساطة الممزوجة بالبراءة ورغم هذا فهي تحاول أن تبدو قوية كما تعجب من شجاعتها المفرطة على الرغم من وقاحة السائق وتهوره ولكنه عاد سريعا إلى أرض الواقع وتنحنح في خشونة و..
رامي بصوت آجش استني يا أنسة لحظة أنا بتكلم معاه 
ثم أشار لها بعينيه كي تصمت فلوت شفتيها في اعتراض ثم أشاحت بوجهها بعيدا عنه وزفرت في انزعاج .. 
استدار هو برأسه ليواجه السائق وحدجه بنظرات قوية و...
رامي بنبرة جادة خلاص هي معهاش إلا
دول 
السائق بنبرة احتجاج با باشا والله ما ينفع ده ظلم !!
حدجه رامي مجددا بنظرات أكثر سخطا ثم وضع يده في جيب بنطاله الجينز وأخرج منه بعض النقود وأمسك بكف السائق وفتحه ثم وضع النقود به وأغلق قبضة يده و...
رامي بضيق جلي خد دول واتفضل بقى 
فغرت عاليا في صدمة واتسعت عينيها في ذهول بعدما رأت ما الذي فعله هذا الغريب مع السائق ثم إزدادت ملامح وجهها عبوسا وعقدت ما بين حاجبيها و...
عاليا بإعتراض شديد ونظرات مشدوهة انت بتعمل ايه 
رامي بإقتضاب خلاص يا أنسة 
رمقهما السائق بنظرات راضية قبل أن يتركهما ويتجه نحو سيارته الأجرة و..
السائق بنبرة سعيدة تحمل الوقاحة متشكرين آباشا وانتي يا أبلة ابقي اركبي مكروباز أحسن طالما انتي مش أد التاكسيات ..!!!
اتسعت مقلتي عينيها أكثر وحدجت السائق بنظرات شرسة ثم صرت على أسنانها في ڠضب و...
عاليا بنبرة متشنجة انت .. انت آآ...
مد رامي يديه للأمام لكي يوقفها عن الكلام و..
رامي بهدوء حذر خلاص يا أنسة حصل خير 
عاليا بنبرة متعصبة ونظرات حادة لأ طبعا انت ازاي تعمل كده ازاي تدفعله أكتر من حقه 
ابتسم لها رامي ابتسامة خفيفة ورفع أحد حاجبيه و...
رامي بعدم اكتراث يا ستي مش مشكلة 
زفرت هي مجددا في ضيق ثم أطرقت رأسها للأسفل ووضعت يدها في حقيبتها لتخرج منها النقود و...
عاليا متسائلة بضيق واضح لأ مشكلة حضرتك دفعت بقى كام !!
رامي مبتسما في هدوء وبنظرات متفحصة خليها عليا المرادي 
رفعت هي وجهها لترمقه بنظرات ضيقة و..
عاليا باستنكار نعم 
رامي بنبرة رخيمة الموضوع مش مستاهل 
عاليا بحنق ونظرات أكثر ضيقا لأ مستاهل انت تعرفني أنا أعرفك في سابق معرفة بينا لأ طبعا يبقى مش من حقك تدفعلي حاجة ولا من حقي أقبل منك حاجة اتفضل قول دفعت كام 
أشار هو لها بقبضتي يده لكي تهدأ قليلا واستغرب أكثر لردة فعلها القوية و...
رامي بنبرة متمهلة خلاص . اهدي .. مافيش داعي للانفعال 
عاليا بنفاذ صبر يا مهون يا رب مش كفاية إني متأخرة أصلا كمان كنت ناقصة عطلة قول عاوز كام 
رامي مبتسما وبنبرة هادئة بكرة أقولك 
عاليا بنظرات مصډومة ونبرة مذهولة نعم 
رامي بثقة ونظرات مغترة يالا عشان متتأخريش 
ثم تركها وانصرف في اتجاه سيارته في حين تسمرت هي في مكانها غير مستوعبة لما حدث للتو 
هزت عاليا رأسها في تعجب شديد ثم أدركت أنها قد تأخرت بالفعل عن موعد حضورها فسارت بخطوات راكضة في اتجاه بوابة المدرسة لتدلف سريعا إلى الداخل ..
في داخل مبنى رياض الأطفال بمدرسة اللافانيا 
أوصلت العاملة ناصرة آياز إلى مكتب السكرتارية وحاولت أن توضح له أن السكرتيرة هي المسئولة عن أمور أولياء الأمور و...
ناصرة بنبرة متلعثمة ونظرات حائرة وهي تشير بيديها بص .. this آآ.. ده .. مس أية .. آآ.. go .. هي .. تعرف انجليشا 
حاول آياز أن يسيطر على نفسه حتى لا ينهار ضاحكا أمامها بسبب طريقتها الظريفة في جعله يفهم ما الذي تقصده .. 
ثم أومىء لها برأسه و..
آياز بهدوء thanks شكرا 
دلف آياز إلى داخل مكتب السكرتارية ثم تنحنح في خشونة فانتبهت له السكرتيرة أية ونظرت إليه بنظرات شبه مصډومة ثم اعتدلت في جلستها وسلطت عينيها عليه واستشنقت بأنفها الصغير رائحة عطره المميزة و..
أية بابتسامة عريضة ونظرات
لامعة ايوه حضرتك 
آياز بنبرة رخيمة ونظرات ثابتة Can I meet the manager please ممكن أقابل المديرة من فضلك 
للحظة سرحت أية فيه وأغمضت عينيها لتستمتع بعبير عطره ثم أدركت لاحقا أنها كانت محدقة بذلك الوسيم لفترة ولم تنتبه إلى أنه قد انتهى من الكلام إلا حينما أعاد هو تكرار جملته الأخيرة و...
أية وهي تتنحنح في خجل احم .. آآ.. شور 
ثم نهضت عن مقعدها الجلدي وأشارت له بيدها لكي ينتظر في الخارج وتوجهت هي ناحية مكتب الأستاذة إعتماد ثم دلفت إلى الداخل بعد أن طرقت الباب و...
أية بهدوء مس اعتماد في واحد أجنبي برا عاوز يقابلك 
إعتماد بنبرة رسمية ونظرات ثابتة مين 
أية وهي تمط شفتيها في حيرة مش عارفة بس جايز يكون ولي أمرطفل عندنا 
إعتماد بنبرة شبه منزعجة مش أية مش أي حد يقولك عاوز أقابل المديرة تدخليه على طول حتى لو كان أجنبي ده مش سوق دي مدرسة دولية ليها قواعد وأصول 
شعرت أية بالحرج من توبيخ الأستاذة إعتماد اللاذع لها ولوت شفتيها في استنكار .. ثم ..
أية متسائلة بنبرة خاڤتة طب يعني أخليه يمشي 
إعتماد بجدية لأ .. دخليه بس تاخدي بالك بعد كده 
أية بإقتضاب طيب 
ثم سارت مبتعدة عن مكتب المديرة وتوجهت إلى الخارج حيث يقف آياز و..
أية بنبرة عادية وهي تشير بكف يدها come please تعالى من فضلك 
ابتسم لها آياز بعذوبة خطفت أنفاسها وشعرت بالحرارة تنبعث من وجنتيها وخاصة حينما مر من جوارها ... 
أية لنفسها بعدم تصديق اوووف هو في كده مز مز يعني .. !
ظلت هي مسلطة عينيها عليه إلى أن دلف إلى داخل مكتب الأستاذة اعتماد وفجأة لمعت عينيها و..
أية بنبرة متحمسة انا لازم أقول للبنات عليه لازم يشوفوه ..!!
ثم سارت بخطوات أقرب للركض في اتجاه غرفة المعلمات ...
رحبت الأستاذة إعتماد بآياز وطلبت منه الجلوس على المقعد المواجه لها و...
اعتماد بجدية Yes how can I help you أيوه إزاي أقدر أساعدك 
آياز مبتسما بهدوء أنا بعرف أتكلم عربي 
رفعت هي حاجبيها في تعجب ثم رمقته بنظرات أكثر تفحصا و...
اعتماد بنبرة رسمية مممم .. تمام مين حضرتك 
مد آياز يده بذلك الملف الذي كان يحمله ويحتوي على سيرته الذاتية ثم أعطاه لها و...
آياز بنبرة متريثة أنا آياز كامل الشناوي مدرس رياض أطفال في ولاية أريزونا بال US وعرفت إن في مكان فاضي لمعلم انجليش هنا فكنت عاوز أقدم فيها 
أطرقت اعتماد رأسها للاسفل لتطالع الملف ثم أمسكت بقلمها الحبر وبدأت في تدوين بعض الملحوظات عنه وقامت برفع رأسها مجددا للأعلى لتحدق فيه بنظرات جادة قبل أن تردف ب ....
اعتماد بنبرة جافة عندك امتيازات حلوة مستر آياز بس للأسف الوظيفة دي لمدرسات إناث مش للذكور احنا معندناش هنا مدرسين رجالة في الكي جي حضرتك تقدر تقدم على وظيفة في المراحل الأعلى مع سن أكبر للأطفال وأنا واثقة إنك هتتقبل على طول 
آياز بهدوء حذر أنا عارف الكلام ده كويس بس أنا حابب أشتغل هنا وشايف نفسي هاقدر أعمل حاجة كويسة للأطفال اللي في السن ده 
اعتماد بنبرة أكثر جدية مع كل احترامي ليك وظايف رياض الأطفال غير مناسبة للذكور مافيش أي مدرسة هنا بتقبل تشغل مدرس راجل 
آياز بنبرة متريثة كل ده أنا فاهمه وعارف أسبابه بس عندي في
أريزونا الموضوع مختلف تماما مدرسين رياض الأطفال ممكن يكونوا ذكور طالما هما كفؤ ومناسبين مافيش أي مشاكل بالنسبة لل Gender النوع 
إعتماد بنبرة معترضة ده في أمريكا لكن في مصر الوضع مختلف وبصراحة أنا مقدرش اجازف وأعمل حاجة زي كده 
أخذ آياز نفسا مطولا ثم زفره بهدوء واستدار بجسده قليلا ناحيتها و..
آياز بنبرة رخيمة حضرتك دي مش مجازفة لأني مش جاي أتعلم لسه بالعكس أنا عامل دراسات عليا في مجال تخصصي وخدت الماستر بإمتياز وال scores درجات بتاعي موجود قصاد حضرتك تقدري تشوفيه 
اعتماد وهي تمط شفتيها في حيرة أنا شايفة ال CV السيرة الذاتية بتاعك وفعلا في حاجات مبهرة بس النظام والروتين وآآ...
آياز مقترحا بخفوت حضرتك تقدري تحطيني في فترة اختبار وتشوفي إن كنت هانجح ولا لأ 
اعتماد بعدم اقتناع ماينفعش أعمل كده لأن أنا عندي التزامات ومسؤليات قصاد الأطفال وأولياء الأمور مقدرش أجازف بحاجة مش عارفة نتيجتها ده غير إن ال Staff كله من الآنسات يعني هايكون فيها نوع من الحرج
أحط راجل وسطهم 
صمت آياز لبرهة لكي يفكر في طريقة ما لإقناعها بأنه مؤهل لتلك الوظيفة ووضع يده على طرف ذقنه وظل يحرك أصابعه بطريقة ثابتة ثم انتصب في جلسته و...
آياز بنبرة هادئة ونظرات متفائلة طب أنا عندي اقتراح لحضرتك 
اعتماد بإيجاز خير 
آياز بصوت متحمس مش في Demo عرض تجريبي بيتعمل قبل اختيار أي مدرس
أومأت اعتماد برأسها إيماءة خفيفة لتؤيده ثم أمعنت النظر